रामेछाप। नेपाल रेडक्रस सोसाईटी रामेछापले आफू सँग सुबिधा सम्पन्न एम्बुलेन्स भएको बताउँदै आएको छ। तर सो सुबिधा सम्पन्न एम्बुलेन्समा अक्सिजननै पाँईदैन ।
२०७९ साल जेठमा रेडक्रस रामेछापले जिल्लामै पहिलो पटक पुर्व अस्पताल सहितको अत्याधुनिक एम्बुलेन्स सेवा संचालन गर्ने दावी गरेको थियो । केन्द्रिय कार्यालयले रामेछाप रेडक्रसका लागि पुर्व अस्पताल सुविधा सहितको एम्बुलेन्स उपलब्ध गराएपछि जिल्लाले उक्त सेवा सहितको एम्बुलेन्स सेवा संचालनमा ल्याएको थियो । उक्त एम्बुलेन्स भित्र एक जना स्वास्थकर्मि, विरामीका लागि आवश्यक औषधि र अक्सिजन सहितको सेवा रेडक्रसले उपलब्ध गराउने समेत भनिएको थियो ।
अमेरिकन रेडक्रसको सहयोगमा केन्द्रिय कार्यालयले २०७९ सालको जेठमा रामेछापलाई ‘ख’ वर्गको एम्बुलेन्स हस्तान्तरण गरेको थियो । तर रेडक्रस रामेछापले सञ्चालन गरेको सो एम्बुलेन्समा अक्सिजन नै पाईदैन । रेडक्रस रामेछापका महामन्त्री दुर्गाबहादुर श्रेष्ठ अक्सिजन रेडक्रसले नदिने बताउँछन् । उनि भन्छन्- हामीले अक्सिजन दिने होईन, हामीले त एम्बुलेन्स मात्र दिने हो । अक्सिजन बिरामीकै आफन्तले उपलब्ध गराउनु पर्छ । बिरामीका आफन्त आफैले अक्सिजन खरिद गर्दा पनि सेवाग्राही निकै ठगिएको पाईएको छ । सानो प्रोटेबल अक्सिजन भर्दा साधारणतया २ सय पचास देखि ३ सय सम्म लिने गरेको पाईन्छ । तर रेडक्रस रामेछापले भने १ हजार लिएको पाईएको छ ।
रेडक्रसले अक्सिजनमा लिएको बढि मुल्य बारे जिल्ला प्रशासन कार्यालयले पनि चासो देखाएको छ । रेडक्रस सँग छलफल गरि सेवाग्राहीलाई सुपथ मुल्यमा अक्सिजन उपलब्ध गराउने प्रमुख जिल्ला अधिकारी अनिता निरौलाले बताईन । निरौलाले भनिन- सेवाग्राहीलाई ठग्न पाँईदैन, यदि अक्सिजन भरेको ३ सय पर्छ भने यहाँ सम्म ल्याएको भाडा जोडेर रेडक्रसले अक्सिजन दिनु पर्छ । हामी छिट्टै छलफर गरेर मुल्य निर्धारण गर्छौँ ।
यता रेडक्रस रामेछापले एम्बुलेन्स भाडामा समेत सेवाग्राहीलाई ठग्दै आएको छ । सामान्यतया मन्थली देखि काठमांडौको एम्बुलेन्सको भाडादर ७ हजार छ तर रेडक्रस रामेछापले भने ९ हजार भाडा लिँदै आएको पाईएको छ । नागरिकलाई सेवा दिनका लागि स्थापना गरिएको रेडक्रस जस्तो सेवा दिने संस्थालाई रामेछाप रेडक्रसले कमाई खाने भाँडो बनाउँदै गएको छ ।
