काठमाडौं । श्रीनाथकोट गोरखा काठमाडौं सम्पर्क समितिको २० औं साधारण सभा सम्पन्न भएको छ । शुक्रबार काठमाडौंको सामाखुशीस्थित तक्षशिला एकेडेमीमा समितिको साधारण सभा सम्पन्न भएको हो ।
२०५५ सालमा स्थापित लामो इतिहास बोकेको पवित्र सामाजिक संस्थाको संस्थापक अध्यक्ष प्रदिप बावु ढकाल लगाएत संस्थाप्रेमी एवं बुद्दीजिवी तिर्थ भट्ट, अर्जुन गुरूङ, मधुविलास पाण्डले मन्तव्य व्यक्त गर्दै संस्थाको पवित्र उद्देश्यमाथि प्रकाश पारेका थिए । कार्यक्रममा संस्थाको प्रगति प्रतिवेदन एवं आर्थिक प्रतिवेदन वाचन गरीएको थियो ।
बन्द सत्रको कार्यक्रममा अर्जुन ढकाल (तल्लो गोहोरे) को नेतृत्वमा आगामी दुई बर्षका लागि ११ सदस्यीय नयाँ कार्यसमिति चयन गरेको छ । जसअनुसार उपाध्यक्षमा परशुराम पाण्डे(उपल्लो गोहोरे), सचिव रोहित गुरूङ (लप्से), सह सचिव अञ्जन पोखरेल(उपल्लो गोहोरे), कोषाध्यक्ष आरती गुरूङ (सिम्ले)लाई निर्विरोध चयन गरेको छ ।
साथै सदस्यहरूमा थमराज गुरूङ (आरूवोट), सुनिता गुरूङ (कुलगाउँ), देवेन्द्र भट्ट (तल्लो गोहोरे), प्रमिला ढकाल (तल्लो गोहोरे), लक्ष्मण परियार (उपल्लो गोहोरे) र समिर रामदान (डांडागाउँ) निर्वाचित भएका छन् ।
नवनिर्वाचित कार्यसमितिलाई निर्वाचन मण्डलका संयोजक तिर्थ भट्टले पद तथा गोपनियताको शफथ खुवाएका थिए । नवनिर्वाचित कार्यसमितिका अध्यक्ष अर्जुन ढकालले आफू निर्वाचित भएलगत्तै संक्षिप्त मन्तव्य राख्दै सिंगो श्रीनाथकोट वडा नं ७ वासीको साझा मुद्दामा सबै एकजुट भएर लाग्ने प्रण गर्दै सबै सुभेक्षुकहरूलाई धन्यवाद व्यक्त गरे ।
नवगठित कार्यसमितिको पहिलो वैठकद्धरा संस्थालाई जिवन्त दिन हरेक कालखण्डमा सहयोग गर्नुहुने पूर्व कार्यसमितिहरूको अमूल्य योगदानप्रति धन्यवाद प्रस्ताव पास गरेको छ । श्रीनाथकोट सिनानचोक गाउँपालिका वडा नं.७ जन्मथलो भई हाल काठमाडौंमा विभिन्न पेशा व्यवसाय गरी बस्नेहरूको उल्लेख्य सहभागिता रहेको कार्यक्रमको सभापतित्व निवर्तमान अध्यक्ष माधव ढकालले गरेका थिए भने परशुराम पण्डेले कार्यक्रम संचालन गरेका थिए।
