गंगा बिसुन्के, सिन्धुली
नेपाल मानव अधिकार बर्ष पुस्तक २०२४ को बार्षिक पुर्व समिक्षा कार्यक्रम सिन्धुलीमाढिमा सम्पन्न भएको हो ।जिल्ला स्थरिय मानव अधिकार कर्मी सिन्धुलीको संयोजक द्धारिका काफ्लेको अध्यक्षता तथा प्रमुख जिल्ला अधिकारी सुनिता नेपाल को प्रमुख आतिथ्यतामा तथा अनौपचारिक क्षेत्र सेवा केन्द्र इन्सेक सिन्धुलीको आयोजनामा कार्यक्रम भएको थियो ।
कार्यक्रम लाई सम्बोधन गर्नुहुँदै प्रमुख जिल्ला अधिकारी सुनिता नेपालले नागरिकको सेवा गुणस्तर बनाउने र सेवा प्रबाहमा सधै अगाडि बढ्दै लैजाने उहाँ बताउनुभयो । सरकारी कार्यालय बाट हुने सेवा छिटो र छरितो ढङ्गले नागरिकलाई सेवा दिई रहेको र दिई रहने समेत प्रतिबद्धता गर्नु भएको थियो ।
स्थानीय तह अनुसार मानव अधिकार उलंघनका घटनाको तथ्यांक २०७९ पुस देखि २०८० जेठ सम्म हेर्दा सिन्धुलीमा ५३ जना विभिन्न घटनाबाट पीडित भएको देखिन्छन् ।
कमलामाई नगरपालिकामा बालिका बलात्कार घटना ४ जना ,यातना तथा कुटपिट १ जना,शारीरिक हिंसा महिला १० जना र मानसिक हिंसा १७ जना महिला रहेको छन् । यस्तै, दुधौली नगरपालिकामा बालिका बलात्कार २ जना,महिला बलात्कार १ जना,बालयौन दुव्र्यवहार १ जना,बहुविवाह २ जना र शारीरिक हिंसा २ जना रहेको छन् ।
तिनपाटन गाउँपालिकामा बालिका बलात्कार २ जना,शारीरिक हिंसा १ जना र मानसिक हिंसा १ जना रहेको छन् ।
गोलन्जोर गाउँपालिकामा बालिका बलात्कार १ जना र मानसिक हिंसा २ जना रहेको तथ्यांकमा देखाएको छन् ।
सुनकोसी गाउँपालिकामा बालिका बलात्कार १ जना, हरिहरपुरगढिमा बालिका बलात्कार १ जना मात्रै रहेको छन् मरिण गाउँपालिकामा बालिका बलात्कार २ जना,महिला बलात्कार १ जना र बाल बिबाह १ जना रहेको छन् ।त्यस्तै फिक्कल गाउँपालिका र घ्याङलेख गाउँपालिकामा पुस देखि अहिले सम्म कुनै पनि घटना नभएको तथ्यांकमा देखाएको छन् ।जिल्ला स्तरीय मानव सञ्जाल सिन्धुलीका अध्यक्ष द्धारिका काफ्लेको अध्यक्षता तथा प्रमुख जिल्ला अधिकारी सुनिता नेपालको प्रमुख अतिथ्यतामा भएको समीक्षा कार्यक्रममा नागरिक समाज, कानुन व्यवसायी, पत्रकार र अधिकारकर्मीको उपस्थिति रहेको थियो ।
