गंगा बिसुन्के, सिन्धुली। सिन्धुलीमाढीमा एक दिने अभिमुखिकरण एवम अन्तरक्रिया कार्यक्रम सम्पन्न भएको छ।”स्वदेशमा रोजगार गरौ, वैदेशिक रोजगारिमा जाने भए सहि सूचना लिएर र सीप सिकेर मात्र जाऔ” भन्ने नाराका साथ कमलामाइ नगरपालिकाको सुरक्षा आप्रवासन कार्यक्रमका संयोजक बिजय दाहालको संयोजकत्वमा उक्त एक दिने अभिमुखिल्करण एवम अन्तरक्रिया कार्यक्रम सम्पन्न भएको हो।
कमलामाइ नगरपालिकोको आयोजना तथा श्रम रोजगार तथा सामाजिक सुरक्षा मन्त्रालय तथा स्विस सरकार विकासको सहयोगमा भएको उक्त कार्यक्रम विजय दाहालले नै संचालन गरेका थिए। सिन्धुलीमा आर्थिक बर्ष २०७९/०८० को असार २० गते सम्म नयाँ राहदानी बनाउनका लागि ९ हजार ५ सय ९४ जनाले,रोजगारीको लागि ७ हजार ३ सय ४१ जनाले, पढ्नको लागि १ हजार ६ सय ७४ जनाले,भिजिट भिसामा २ सय २४ जना रहेको छन् ।
सिन्धुली जिल्लाबाट परामर्श लिनेहरुमा गोलन्जोर गाउँपालिकामा ५ सय ७९ जना,दुधौली नगरपालिकामा १ हजार ८ सय ८४ जना,घ्याङलेख गाउँपालिकामा ५ सय ९६ जना,हरिहरपुरगढी गाउँपालिकामा ७ सय ४६ जना,कमलामाई नगरपालिकामा २ हजार ५ सय ५२ जना,मरिण गाउँपालिकामा १ हजार १ सय ५३ जना,फिक्कल गाउँपालिकामा ३ सय ४९ जना, र तिनपाटन गाउँपालिकामा १ हजार १ सय ८९ जनाले वैदेशिक रोजगारीमा जानको लागि परामर्श लिएका थियो ।
कार्यक्रमलाई सम्बोधन गर्दै कमलामाई नगरपालिकाको सामाजिक विकास शाखाकी प्रमुख सत्यदेवी अधिकारीले वैदेशिक रोजगारीमा जादाँ सिप सिकेर मात्रै जानको लागि आग्रह गरेकी छिन् ।अन्लाईनको माध्यमबाट पनि धेरै कुरा सुनेर सिप सिक्नसक्ने उनी बताउँछीन् ।
अहिले तिनपाटन गाउँपालिका,कमलामाई नगरपालिका,हरिहरपुरगढी गाउँपालिका र दुधौली नगरपालिकामा कार्यक्रम संचालन भैइरहेका पनि छन् ।
सुरक्षित आप्रवासन कार्यक्रम सामिले ७२ जनालाई मनोसामाजिक परामर्शको सिफारिस दिएको थियो भने, ३ सय ८६ जनालाई वित्तीय साक्षरता सम्बन्धी तालिम दिएको सुरक्षित आप्रवासन कार्यक्रम सामिको कार्यक्रम संयोजक विजय दाहालले बताए ।
कार्यक्रममा नेपाल पत्रकार माहासंघ सिन्धुलीको अध्यक्ष कृष्ण हरि घिमिरे , लगाएत अन्य पत्रकार हरुको सहभागिता रहेको थियो ।
