रामेछाप । रामेछापको विभिन्न स्थानमा विरुवा हस्तान्तर तथा वृक्षारोपण कार्यक्रम सम्पन्न गरिएको छ । शुक्रबार मन्थलीमा नेपाल विद्यार्थी संघ(नेविसंघ) रामेछापको सह सचिव मनिष बहादुर चुहान र तरुण दलको युवा नेता सन्तोष कुमार भट्टराइको अग्रसरतामा जिल्ला उपसभापति लेख बहादुर कार्की,जिल्ला सचिव दिपक खड्का लगायत तरुण दल र नेविसंघका नेताहरुको उपस्थितिमा विरुवा हस्तान्तरण तथा वृक्षारोपण कार्यक्रम सम्पन्न भएको हो ।
नेपाली काङ्ग्रेसका नेता नारायण प्रसाद भट्टराइ,राजेश श्रेष्ठ,सौरभ केसी,नारायण घिमिरे,उज्ज्वलराम घिमिरे र मन्थली नगरपालिका वडा न.१ का वडाअध्यक्ष होम प्रसाद पौडेलको सहयोगमा एक हजार ७५ विभिन्न प्रजातिको विरुवा वन विभाग मुलपानीबाट उपलब्ध भएको नेविसंघ सहसचिव मन्थलीमा चुहानले जानकारी दिए ।
नेविसंघ जिल्ला सहसचिव चुहान र तरुण दल युवा नेता भट्टराई संगै नेविसंघ नेता अमन भट्टराई,अनिल कार्की,दिनेश भट्टराई,प्रकाश पहाडी र गौरव न्यौपानेको अग्रसरतामा भएको विरुवा हस्तान्तर कार्यक्रम रामेछापका विभिन्न सामुदायिक विद्यालय,सार्वजनिक स्थान,स्वास्थ्य केन्द्र र प्रहरी कार्यालयलाई हस्तान्तरण गरिएको थियो ।
हस्तान्तरण गरिएको विरुवाको विवरण :
नेपाली कांग्रेस पार्टि कार्यालय रामेछाप- २५०
मन्थली शहिद स्मृति बहुमुखी क्याम्पस-८०
रामेछाप वहु प्राविधिक विद्यालय -३०
श्री आधारभूत विद्यालय अर्चले- ७०
श्री कालिका आधारभूत विद्यालय-५०
ठाटी आधारभूत स्वास्थ्य केन्द्र-७०
डाँडा गाउँ चौतारा मन्थली ३ स्थानीय सहित -१००
मन्थली २ वडा कार्यालय-२०
जिल्ला प्रहरी कार्यालय रामेछाप-२००
श्री सिद्धेश्वर आधारभूत विद्यालय तथा मन्थली ६ स्थानीय-१५०
त्यस्तै स्थानीयको माग अनुसार विभिन्न स्थानमा १५० विरुवा हस्तान्तरण गरिएको छ भने २० वटा विरुवा गाडिमा लैजाने क्रममा क्षती भएको थियो ।
