बिपीको विचार कालजयी छ ः प्रमुख सचेतक लेखक

रामेछाप । नेपाली काँग्रेसका केन्द्रीय सदस्य एवं प्रतिनिधिसभामा काँग्रेसका प्रमुख सचेतक रमेश लेखकले विपी कोइरालाको विचार कहिल्यै पनि नमर्ने कालजयि भएको वताएका छन् ।
‘बिपी कोइरालाले नागरिक र मुलुकको भलो प्रजातान्त्रिक समाजवादबाट मात्र हुन्छ भनेर प्रतिवादन गरेको त्यसबेलाको विचारमा आज सवै अटाउन सक्नुनै उहाँको विचारको कालजयिता हो ’ लेखकले भने – लोकतन्त्रमा विश्वास नगर्ने कम्युनिष्टहरुलाई पनि लोकतन्त्रमा विश्वास गर्ने अवस्था बनाऔं , त्यहि भएर विपीले प्रतिपादन गरेको काँग्रेसको विचारले सवै विचारहरुलाई जितेको छ ।
४१ औं विपी स्मृति दिवसको अवसरमा रुख रोप्ने कार्यक्रमलाई शनिबार रामेछापको भंगेरीमा संवोधन गर्दै लेखकले नयाँ पार्टी उर्लदो खहरे भएको वताए । ‘काँग्रेस मंसिरमा पनि उत्तिकै वग्ने नदी समान हो, अरु खहरे हुन मंसिरमा हुदैनन’ लेखकले भने । नयाँ पार्टी उदाउदैमा कुनैपनि काँग्रेसले आत्तिनु नपर्ने उनको तर्क थियो ।
कार्यक्रममा काँग्रेस केन्द्रीय सदस्य यज्ञराज जोशिले काँग्रेसमा विधि निती र सिद्धान्तको समस्या नभएको भन्दै आन्तरिक केहि समस्याहरु समाधानका लागि पार्टी केन्द्रीय समितिमा छलफल जारी रहेको उल्लेख गरे । रामेछाप नगरपालिकाका प्रमुख एवं पूर्व जिल्ला सभापति लबश्री न्यौपानेले पार्टीमा विमति भए पार्टी भित्रै वसेर संघर्ष गर्नुपर्ने तर बेग्लै हैसियत खोज्नेहरु बडारिने वताए । ‘जो मेनस्टिममा अटाउदै उ सकिन्छ’ न्यौपानेले भने – पार्टी क्लव होईन , पार्टीको स्वीकृति भन्दा बाहिर गएर कुरा गर्ने ,भाषण गर्ने हो भने क्लव खोल्न सकिन्छ ।
कार्यक्रमका सभापति तथा सांसद पूर्णवहादुर तामाङ (कान्छाराम)ले पार्टीको आधिकारीक कार्यक्रम भन्दा बाहिर गएर कार्यक्रम गर्नु विना भिषामा बिदेश भ्रमण गर्नु जस्तै भएको संज्ञा दिए । विना भिषामा विदेशिनेको के हुन्छ ? सवैले वुझेकै छ उनले भने । विपी स्मृति दिवसका अवसरमा रामेछाप नगरपालिका ८ को धारापानीमा विभिन्न जातका विरुवाहरु रोपिएका थिए ।