सामाजिक सञ्जाल बन्द नगर्ने सरकारको तयारी

शनिबार, मंसिर १६, २०८०,
दोभानचौर खबर । सरकारले टिकटकबाहेक अन्य सामाजिक सञ्जाल बन्द नगर्ने बताएको छ । उपप्रधानमन्त्री एवं गृहमन्त्री नारायणकाजी श्रेष्ठले भरतपुर विमानस्थलमा शनिबार पत्रकारसँग अन्य सामाजिक सञ्जाल नियमन गर्ने तर बन्द नगर्ने बताउनुभएको हो।
पत्रकारको प्रश्नको उत्तर दिँदै उहाँले भन्नुभयो, ‘सामाजिक सञ्जाललाई बन्द गर्ने कुरा हामीले गरेका छैनौँ । एउटा टिकटकमाथि यस प्रकारको निर्णय गरिएको हो अरु सामाजिक सञ्जालका बारेमा चर्चा परिचर्चा भइरहेको छ । त्यो कुरा सत्य होइन, हामी नियमन गर्छौं ।’
सामाजिक सञ्जालले लोकतन्त्र, सामाजिक एकता, व्यक्तिको स्वतन्त्र बाँच्न पाउने अधिकार, सभ्यता, संस्कृतिलाई रक्षा गर्न योगदान पुर्‍याउनुपर्ने भन्दै उहाँले सरकारले स्वतन्त्रतालाई कुण्ठित नगर्ने तर सामाजिक सञ्जाललाई नियमन भने गर्ने बताउनुभयो।