३२ औं अपाङता दिवस २०८० मा रामेछापकि निर्मला कार्की सम्मानित

काठमाडौ-रामेछापकि निर्मला कार्की ३२ औं अपाङ्गता दिवसको अवसरमा अपाङ्ग महासंघद्वारा आयोजित कार्यक्रममा ज्योती केसी मेरुदण्ड पक्षघात महिला प्रतिभा पुरुस्कार सहित सम्मानित भएकी छिन्।
    रामेछापमा जन्मेकी कार्की शारीरिक रुपमा तन्दुरुस्त नै थिइन् , बच्चापन सकियो, चनचले उमेरमा खुशी र रमाइलो मान्छे पढाइमा त छनै उत्कृष्ट। स्कुल पनि सकियो। क्याम्पस भर्ना भएपछि बिहान क्याम्पस त दिउँसो घरको काम। छोरीमान्छे पढाइ कम काम धेरै गर्नुपर्ने त्यो त बाध्यता नै हो। गाउमा दाजुभाइलाई काम गर्न आउदैन तर दिदीबहिनीलाई बाध्यता नै हुन्छ। सदा झै क्याम्पस पढेर घर पुगेपछि बाख्रलाई घाँस झार्न रुख चड्नु पर्यो। बाख्रलाई घाँस मात्र होइन निर्मला कार्किको सबै खुशी पनि रुख बाट खस्यो। उनी भुइँमा बज्रारिन।  मेरुदण्ड भाचियो। कहिले र कसैलाई भनी न बिजाउने सयोगी कार्कीको यो अवस्थ सुन्ने र देख्ने सबै चिन्तित भए। अस्पतालमा दैनिक भिड जस्तै हुन्थे। कार्किलाई सम्झाउने। तर केही थान सत्रु पनि थिए। त्यसको कर्म भन्थे। तर कार्कीमा कहिले निराशा देखिएन। आट र साहास अझ बढ्यो। उनी ह्रुलचियरको सायताले आफ्नो पढाइलाई निरन्तर दिइन र शिक्षक अनुमतिपत्र पनि पास गरिन।
          राज्यले अपाङ्गता भएको ब्यक्तिलाई पनि शिक्षक बनाउने नीति ल्यायो र त्यसमा कार्की पनि परिन् उनी रामेछाप मन्थली ५ सुनारपानीमा असल शिक्षिकाको रुपमा परिचित छिन। बिहान बेलुका घरमा जान्छिन दिनभर कार्की बिधालय हुन्छिन्। बिद्यार्थी   उनका भरोसा हुन भने बिद्यार्थीले असल गुरु मात्र होइन मन मिल्ने मित्रता पाएको महसुस गर्छन्। बिद्यार्थी सगँ खुलेर बोल्ने र बिद्यार्थीको समस्या बुझ्ने शिक्षिका पनि हुन कार्की। स्कुल सकेर छुट्टिनु पर्दा कति रुन्छन, भकानिन्छन छोड्नु पर्दा पिडाको महसुस गर्छन।
यस्तै अपाङ्गता भएको र उत्कृष्ट काम गर्ने मान्छे खोज्दा कार्की परेकी हुन। झन्डै २ दर्जन अपाङ्गता भएको ब्यक्तिलाई सम्मान गरेको महासंघले बताएको छ। कार्यक्रममा माननीय सहरी बिकास मन्त्री सीता गुरुङको प्रमुख आतिथ्यमा कार्यक्रम सम्पन्न भएको हो।