मन्थली नगरपालिका २ का सबै विद्यालय र स्वास्थ्य केन्द्रमा इन्टरनेट जडान

शर्मिला बिसुन्के भावुक ।
रामेछाप- रामेछापको मन्थली नगरपालिका २ का सबै विद्यालय र स्वास्थ्य केन्द्रमा इन्टरनेट जडान भएको छ । वडाका ५ वटा विद्यालय, २ वटा स्वास्थ्य कार्यलय र अध्यन केन्द्रमा इन्टरनेट जडान सम्पन्न भएको वडा अध्यक्ष सुरेन्द्र कार्कीले जानकारी दिए । अब चाँडै नै वडाका सबै विद्यालय र स्वास्थ्य केन्द्रमा सि सि टि भी जडान गरिने पनि अध्यक्ष कार्कीले बताए। उक्त सिसिटीभीको कन्ट्रोल वडा कार्यलय बाटै गरिने कार्कीले जानकारी दिए।
बिधालयमा जडित इन्टरनेटले बिद्यार्थीलाई सिक्न र शिक्षकलाई सिकाउन सजिलो हुने साथै बिद्यार्थीलाई प्रबिधि सँग जोड्न सजिलो हुने वडा अध्यक्ष कार्की उल्लेख गर्छन। स्वास्थ्य केन्द्रमा आएका बिरामीलाई पालो कुर्दा दिक्कदार लाग्ने भएको र स्वास्थ्यकर्मी कार्यलय समय पछी समयको सदुपयोग होस भनी बिरामी र कर्मचारी दुबैलाई सहज बनाउन इन्टरनेट जडान गरेको हो।