काठमाण्डौ- सुनको भाउ आज केही बढेको छ । सुन तोलामा दुई सय रुपैयाँले बढेर तोलाको १ लाख १८ हजार ६ सय रुपैयाँमा कारोबार भइरहेको छ । सुनको भाउ हिजो तोलामा १ लाख १८ हजार चार सय रुपैयाँ थियो । आज चाँदीको भाउ भने २० रुपैयाँले घटेको छ ।
आज चाँदी तोलामा १ हजार ४६० रुपैयाँमा कारोबार भैरहेको नेपाल सुनचाँदी व्यवासयी महासङ्घले जनाएको छ । विवाहको सिजन भएपनि सुनचाँदीको भाउमा आएको उतारचढावका कारण कारोबार खासै नभएको व्यापारीले बताएका छन् ।
