शर्मिला बिसुन्के, रामेछाप।
रामेछापः वृहत् रामेछाप महोत्सव २०८० मा आज बुधबार चर्चित कलाकार आउने भएका छन् । रामेछापको दिगो विकास र अर्थतन्त्रको आधार, कृषि, पर्यटन तथा उद्योगको पूर्वाधार” भन्ने मूल नाराका सहित ११ दिन सम्म सञ्चालन हुने वृहत् रामेछाप महोत्सवमा आज चर्चित गायिका ज्योति मगर, लोकप्रिय गायक विवस बस्नेत,लोकप्रिय गायक सविन चौहान, गायक दिपक लाखे, गायक सुरज बुढाथोकी,गायक पासाङ लामा र जादुगर रमेश पौडेल खत्रीलगायतका कलाकारहरू आउने आयोजक रामेछाप उद्योग वाणिज्य संघ मन्थली रामेछापले जानकारी दिएको छ ।
यसैबिच हिजो माघ २ गते मंगलबार ४ हजार भन्दा धेरैले महोत्सवको अवकोलक गरेका छन् । महोत्सव सोचेभन्दा राम्रो भइरहेको रामेछाप उद्योग वाणिज्य संघका महासचिव कुमार श्रेष्ठले बताउनुभयो । आगामी माघ ७ गते ११ दिन सम्म चल्ने महोत्सवमा राष्ट्रिय स्तरमा ख्याति प्राप्त दैनिक ५–६ जना कलाकारहरू ल्याउने आयोजकले जनाएको छ । १५० बढी स्टलमा जिल्ला भित्र उत्पादित कृषि, घरेलु, हस्तकलाका सामाग्रीहरू, होटेल, पसल राखिएको आयोजक रामेछाप उद्योग वाणिज्य संघका महासचिव कुमार श्रेष्ठले जानकारी दिनुभयो । ६८ लाख ५० हजार रुपैयाँ खर्च लाग्ने अनुमान गरिएको वृहत् महोत्सवमा ५० हजार भन्दा बढीले अवलोकन गर्ने अपेक्षा गरिएको छ ।
