छ महिनामै साँढे १७ अर्बको तरकारी आयातः ४४ करोडको कोदो भित्रियो,,,

शर्मिला बिसुन्के,रामेछाप।
काठमाण्डौँ- सरकारले कृषि र पशुपालनलाई विशेष प्राथमिकता दिएको दाबी गरेपनि ६ महिनामा अरबौ रुपैयाँको कृषिजन्य वस्तु नेपाल आएको छ । विदेशबाट हरिया सागपात-तरकारी, माछामासु, घिउ-तेल, दाल चामल, कोदो मकै लगायतका खाद्यान्न ल्याउन अर्बौ रुपैयाँ विदेशिएको भन्सार विभागले जनाएको छ । साउनदेखि पुससम्म २२ अर्ब २२ करोड रुपैयाँ भन्दा धेरैको खाद्यान्न मात्रै आयात भएको छ । नेपालमै मनग्य फलाउन सकिने कोदो पनि ६ महिनामा भारतबाट ४४ करोडको भित्रिएको छ । १७ अर्ब रुपैयाँको बिउबिजन,२५ अर्ब ३४ करोडको घिउ–तेल, १७ अर्ब ५० करोडको तरकारी,१० अर्ब ७३ करोडको फलफूल,१४ अर्ब ३८ करोडको दुग्धजन्य पदार्थ बिदेशबाट नेपाल आएको छ ।