दाङमा ड्युटीमा खटिएकी महिला प्रहरीको गोली हानी हत्या

काठमाडौ- दाङको घोराहीमा ड्युटीमा खटिएकी महिला प्रहरीको गोली हानी हत्या भएको छ । घोराही उपमहानगरपालिकाको दामोदर चोकमा ड्युटीमा खटिएकी महिला प्रहरी धनमाया थापामाथि आज बेलुकी गोली प्रहार भएको हो । धनमाया माथि आफ्नै श्रीमान सहायक हवल्दार यमबहादुर झाँक्रीले गोली हानेको लुम्बिनी प्रदेश प्रहरी कार्यालयले जनाएको छ । उनले धनमायामाथि तीन राउण्ड गोली प्रहार गरेको बताइएको छ । घटनाबारे थप विवरण खुल्न बाँकी भएको र अनुसन्धान जारी रहेको प्रहरीले जनाएको छ ।