अनेरास्ववियु मन्थली नगर कमिटीले सुरु गर्यो सरसफाइ कार्यक्रम

रामेछाप । अनेरास्ववियु मन्थली नगर कमिटीको हरेक महिनाको एक दिन अतिरिक्त क्रियाकलाप कार्यक्रम सुरु गरेको छ । सोही कार्यक्रम अन्तर्गत आज शनिबार अनेरास्ववियु मन्थली नगर कमिटीले मन्थलीका विभिन्न चोकमा सरसफाइ गरेको छ । विद्यार्थीले मदन आश्रित चोक र बीपी चोकमा सरसफाइ गरेका छन् । मदन भण्डारी र जीवराज आश्रितको सालिक रहेको पार्कमा विद्यार्थीले सरसफाइ गरेका थिए ।
त्यस्तै बीपीको सालिकमा पनि विद्यार्थीले सरसफाइ गरेका अनेरास्ववियु मन्थली नगर कमिटी अध्यक्ष उत्सव केसीले जानकारी दिनुभयो । सरसफाइ कार्यक्रममा अनेरास्ववियु जिल्ला उपाध्यक्ष गोपाल थोकर, जिल्ला कमिटी सदस्यहरू, अनेरास्ववियु मन्थली सहिद स्मृति बहुमुखी क्याम्पस कमिटी तथा मन्थली मावि कमिटी विद्यार्थीको सहभागिता रहेको थियो ।