रामेछाप । रामेछाप नगरपालिका वडा नं ९ टार गाउँमा आज भएको भिषण आगलागीबाट २० भन्दा बढी घर गोठ जलेर नष्ट भएको छ ।
बाक्लाे बस्ती रहेकाे टार गाउँमा आगलागी हुंदा २० भन्दा बढी घर गोठ जलेको डिभिजन वन कार्यालय रामेछापका सहायक वन अधिकृत देवेन्द्र यादवले जानकारी दिए । उनका अनुसार बस्ती नजिकैको जंगलबाट गाउँमा प्रवेश गरेको आगोले धेरै क्षती भएको छ ।
आगोलागीबाट मानविय क्षती नभए पनि भौतिक र पशु चौपायामा धेरै क्षती भएको छ ।
स्थानियहरु बिहीबारे हाटमा आएको समयमा आगोलागी हुँदा धेरै क्षती भएको वडाअध्यक्ष चन्द्र श्रेष्ठले बताए ।
आगालागी नियन्त्रणको प्रयास भैरहेको उनी बताउँछन् । नेपाली सेना,डिभिजन वन कार्यालयका अग्नी नियन्त्रक टोली,मन्थली नगरपालिकाको दमकल र स्थानिय नागरीकहरु आगो नियन्त्रणमा खटिएका छन ।
