हेटौंडाः बिहीबार बौद्विक अपाङ्गता अभिभावक संघ मकवानपुरको आयोजनामा बौद्विक अपाङ्गता, समावेशी शिक्षा तथा अपाङ्गता सम्बन्धी कानुनी व्यवस्था नामक कृति विमोचन गरिएको छ । बौद्विक अपाङ्गता भएका व्यक्तिको क्षमता विकास, ऐन नियम कार्यान्वयन सम्बन्धमा सचेतना तालिमको अवसरमा उक्त कृति विमोचन गरिएको हो ।
बौद्विक अपाङ्गता अभिभावक संघ मकवानपुरका अध्यक्ष शोभा बन्धु पौडेलको अध्यक्षता तथा हेटौंडा उपमहानगरपालिका सामाजिक विकास महाशाखा प्रमुख भीमप्रसाद तिमल्सिनाको प्रमुख आतिथ्यतामा कृति विमोचन गरिएको छ । कृति विमोचन कार्यक्रममा मन्तव्य राख्दै प्रमुख तिमल्सिनाले हिजो दिनमा गरिएका विकास र परिवर्तन समान नभएको जानकारी दिए । जसले गर्दा पिछाडिएका वर्ग तथा समुदाय, अपाङ्गता भएका व्यक्तिलाई सरकारले सामाजिक सुरक्षालाई प्राथमिकता दिएको बताए ।
रोजगार, शिक्षा, स्वास्थ्य जस्ता आधारभूत कुराबाट बञ्चित हुनु संविधानको मर्म विपरीत रहेको जानकारी दिँदै जसले लोकप्रिय कार्यक्रम जसले आयोजना गर्छ त्यसलाई विकास मान्न सकिने उनको धारणा छ । अपाङ्ता भएका व्यक्ति परिवारको बोज बन्दै गएको प्रति तिमल्सिनाले चिन्ता व्यक्त गरे । यसरी समाज र परिवारबाट अपहेलित भएका व्यक्तिहरुको क्षमता विकास भए मात्र विकासको अनुभूतिसँगै परिवर्तनको महाशुस गर्न सकिने बताए । उक्त विषयलाई मध्यनजर गर्दै संघीय, प्रदेश र विशेष गरी स्थानीय तहले नीती, नियम तथा योजना निर्माणमा जोड दिइरहेको अवस्था छ । जसले गर्दा तीन तहसँग आफ्ना समस्या समाधानका लागि समन्वय गर्न आग्रह गरे । ९६ पृष्ठमा उक्त कृति तयार पारिएको छ । उक्त कृतिमा बौद्विक अपाङ्गता भनेको के हा ? बौद्विक अपाङ्गता कसरी के कारणले हुन्छ ? ती व्यक्तीहरुको लागि कानुनी प्रावधान कस्तो छ ? लगायतको विषय समेटिएको अध्यक्ष पौडेलले जानकारी दिए । हेटौंडा उपमहानगरपालिकाको आर्थिक सहयोगमा बौद्विक अपाङ्गता अभिभावक संघ मकवानपुरले कृति प्रकाशनमा ल्याएको छ ।
यसैगरी राष्ट्रिय अपाङ्ग महासंघ नेपाल बागमती प्रदेशकी व्यवस्थापक सीता मल्ल ठकुरीले अपाङ्गता भनेको के हो ? अपाङ्गता भएका व्यक्ति सम्बन्धी राष्ट्रिय नीती २०८०, वर्तमान स्थिति, समस्या, चुनौति, नीतिको आवश्यकता र औचित्यबारे सहजीकरण गरे । यस्तै अपाङ्गता भएका व्यक्तिका अधिकार सम्बन्धी ऐन २०७४ तथा नियमावली ७७ र अपाङ्गता भएका व्यक्तिका अन्र्तराष्ट्रिय महासन्धी २००६ बारे अपाङ्ग सरोकार मकवानपुरका अध्यक्ष गणेशचन्द्र दवाडीले सहजीकरण गरे । संघका संस्थापक अध्यक्ष शारदा पौडेलको पनि उपस्थिति थियो ।
