हेटौंडा/ बागमती प्रदेश सरकार मुख्यमन्त्री शालिकराम जम्कट्टेलले बहुमतसहित विश्वासको मत पाएको छ । दिउँसो १ बजेको लागि अव्हान गरिएको संसदीय दलको सर्वदलीय बैठक बस्न नसकेपनि अपहरण साँझ ४ बजे दोस्रोपटक तोकिएको सर्वदलीय बैठकबाट जम्कट्टेलले विश्वासको मत पाएका हुन् । बागमती प्रदेशमा सत्ता गठबन्धनमा रहेका चार दलबीच गत बिहीबार ५ बुँदे सहमति भएसँगै नेकपा माओवादीबाट जम्कट्टेल मुख्यमन्त्री बनेका हुन् ।
नेकपा एमाले, नेकपा माओवादी केन्द्र, एकीकृतसमाजवादी र हाम्रो नेपाली पार्टीले बागमती प्रदेश सरकारको पक्षमा मतदान गर्दा नेपाली काङ्ग्रेसले विपक्षमा मतदान गरेका छन् भने राष्ट्रिय प्रजातन्त्र पार्टी र मजदुर किसान पार्टीले तटस्थमा रहेर मतदान गरेका छन् । बागमतीको १ सय १० सदस्यीय प्रदेशसभामा जम्कट्टेलले ५६ मत जुटाएसँगै मुख्यमन्त्रीको विश्वासको मत पाएका हुन् । सहभागी संसादमध्ये एमाले २७, माओवादी केन्द्र २१, एकीकृत समाजवादी ७ र हाम्रो नेपाली पार्टीबाट दुई गरी ५६ मत जम्कट्टेलले पाएका हुन् । बागमतीमा कांग्रेसको ३७, राप्रपा १३, नेपाल मजदुर किसान पार्टी(नेमकिपा) ३ प्रदेश सदस्यीय छन् । उपस्थित संसादहरुले पक्षमा ५६, विपक्षमा ३६ र तटस्थमा १५ मत विभाजन भएको थियो ।
गत वर्ष २०७९ माघ ३ गते विश्वासको मत पाएका जम्कट्टेल २०८० फागुन २३ मा बागमती प्रदेश सरकारबाट राजिनामा दिई प्रदेश सरकारबाट बाहिरिएका थिए । १५ महिना लागे १६ महिना लाग्दै गर्दा जम्कट्टेलले तीन पटक विश्वासको मत लिएका हुन् । २० वर्ष गठबन्धन टिकाउने भनिए पनि १ वर्ष पनि प्रदेश सरकार टिकाउन सकेको अवस्था छैनन् ।
सरकारमा सहभागी दलले समर्थन फिर्ता लिएमा नेपालको संविधानको धारा १८८ को उपधारा (२) अनुसार मुख्यमन्त्रीले प्रदेश सरकारमा सहभागी दलले आफ्नो समर्थन फिर्ता लिएमा ३० दिनभित्र विश्वासको मत लिनुपर्ने व्यवस्था बमोजिम जम्कट्टेलले विश्वासको मत पाएका हुन् ।
