हेटौंडा । मकवानपुर ग्यास व्यवसायी संघले मंगलबार भित्तेपात्रो विमोचन गरिएको छ । संघका अध्यक्ष केशव प्रसाद मुडभरीको अध्यक्षता तथा बागमती प्रदेश ग्यास व्यवसायी संघका अध्यक्ष विनोदमान श्रेष्ठको प्रमुख आतिथ्यतामा हेटौंडामा २०८१ को भित्तेपात्रो विमोचन गरिएको हो ।
जसमा उपभोक्तालाई ग्यासबाट हुने दुर्घटनाबाट कसरी बाच्ने भन्ने सचेतनासहितको भित्तेपात्रो विमोचन गरेका हुन् । संघले ४० हजार रुपैयाँको लगानीमा एक हजार वटा भित्तेपात्रो विमोचन गरेका हुन् । श्रेष्ठले नयाँ वर्षको शुभकामना दिँदै भित्तेपात्रो विमोचन कार्यक्रमले उपभोक्तामा सकारात्मक सन्देश जाने बताए ।
यस्तै मुडभरीले ग्यास उद्योग व्यवसायीको नयाँ वर्षसँगै सार्थक उल्लासमय जीवनको कामना व्यक्त गरे
। हेटौंडा उपमहानगरसँग सहकार्य गरेर कसरी दुर्घटनाबाट बाच्ने भनेर कार्य गरिरहँदा ठूला होटल व्यवसायीले नेपाल सरकारको कानुनले बैधानिक नदिएको ग्यास सिलिन्डर प्रयोग गरेकोप्रति चिन्ता व्यक्त गरे। जसमा उद्योग वाणिज्य संघले वस्तुगत क्षेत्रमा यस्ता विषयको चासो राख्न आग्रह गरे ।
