हेटौंडा ।गैर सरकारी संस्था महासंघ बागमतीको आयोजनामा प्रदेशमा नव नियुक्त भएका मन्त्रीहरुलाई सम्मान कार्यक्रममा बोल्नुहुदै मन्त्री श्रेष्ठले आफू मन्त्री भएपछिको पहिलो प्राथमिकता खानेपानी रहेको भन्दै जनतालाई शुद्ध खानेपानी उपलब्ध गराउने अठोट रहेको बताउनुभयो ।
प्रदेश भित्र बसोबास गर्ने नागरिकलाई आधारभूत खानेपानी सेवा पर्याप्त तथा सर्वसुलभरुपमा उपलब्ध गराउने र मध्यम तथा उच्च गुणस्तरको खानेपानी सुविधाको पहुँच विस्तार गर्ने गरि आगामी बर्षको बजेटमा तयारी थालिएको उहाँले बताउनुभयो । केहिदिन अघिमात्र मन्त्रालयको आयोजनामा मातहतका कार्यालयहरुको समिक्षा कार्यक्रममा अघिल्लो सरकारले बनाएको बनाएको बजेट त्यति प्रभावकारी नभएको पाईएको बताउनुहुदै उहाँले आगामी वर्षको बजेट जनताले प्रत्याभूत गर्ने किसिमको बनाउन आफू लागिपरेको बताउनुभयो ।
मानव अधिकारको क्षेत्रमा कृयाशिल संघसंस्था तथा नागरिक समाजले नागरिकको खानेपानी, कृषि, सिंचाइ, र वैकल्पिक उर्जाको विषयमा पनि कार्यगत सहकार्य गर्न अनुरोध गर्नुभयो । आफ्नो कार्यक्षेत्रलाई जनताको सबैखाले अधिकारसङ्ग जोडेर अघि बढ्नुपर्नेमा उहाले जोड दिनुभयो ।
गैससले नयाँ वर्ष २०८१ काे पुर्वसन्ध्यामा बागमती प्रदेश सरकारका खानेपानी मन्त्री एकालाल श्रेष्ठ, वन मन्त्री केशवप्रसाद पाेखरेल र उद्याेग प्रशासन मन्त्री प्रकाश श्रेष्ठलाई सम्मान तथा शुभकामना आदानप्रदान कार्यक्रम गरेकाे हाे ।
सम्मान कार्यक्रममा मन्त्रीहरुले आफ्नाे तर्फबाट सामाजिक हितकाे लागि काम गर्ने र यसमा सधै गैससहरुकाे सभागिता र सहकार्य गरिने बताएका थिए ।
गैसस महासंघ मकवानपुर र मानव अधिकार संरक्षण तथा मानव बेचविखन विरुद्धकाे जिल्ला सञ्जालकाे समन्वयमा कार्यक्रम गरिएकाे गैसस बागमती अध्यक्ष आरती पाठकले बताउनुभयो ।
गैरसरकारी संस्थाहरुकाे याेगदानलाई आत्मासात गर्दै समन्वय र सहकार्य गरी सामाजिक विकासमा हातेमालाे गर्न गैससकर्मीहरुले माग गरेका छन् ।
