हेटौंडा/ बागमती प्रदेशमा ४६ औलो रोगी रहेका छन् । आयातित ४५ र एक स्थानीय गरी ४६ औलो रोगी रहेको बागमती प्रदेश सरकार स्वास्थ्य मन्त्रालय स्वास्थ्य निर्देशनालय जनस्वास्थ्य कार्यालय मकवानपुरले जनाएको छ ।
विश्व औलो दिवसको अवसरमा कार्यालयले हेटौंडामा बिहीबार अन्तरक्रिया कार्यक्रम आयोजना गर्दै यस्तो जनाएको हो । औलो विरुद्धको लडाइँलाई तिब्रता दिऔँ समतामूलक पहुँचको सिर्जना गराैँ बन्ने उद्देश्यले कार्यक्रम आयोजना गरिएको छ । कार्यालयका जनस्वास्थ्य प्रशासक कृष्णबहादुर मिजारले सबैको साथ र सहयोगले औलो रोग न्यूनीकरण गर्न सकिने जानकारी दिए । आयातितका कारण प्रदेशमा जोखिम रहेको बताए ।
यसै मलेरिया इन्स्पेक्टर उर्मिला आचार्यका अनुसार कार्यालयले उक्त रोग न्यूनीकरणका प्रयास गरिँदै आएको छ । सन् २०२५ सम्म नेपाललाई औलो रोग मुक्त बनाउने सरकारको लक्ष्य रहेको छ ।
