हेटौंडा / प्रदेश युवा परिषद् बागमतीको आयोजनामा शुक्रबारदेखि हेटौंडामा सुरु भएको तीन दिने बागमती प्रदेश युवा सम्मेलन समापन भएको छ । आज मुख्यमन्त्रीसँग युवा कार्यक्रम आयोजना गर्दै सम्मेलनको समापन गरिएको हो । सिर्जनशीलता र उद्योमशीलता प्रवर्द्वन; बागमतीमा युवा सशक्तीकरण भन्दै सम्मेलनको आयोजना गरिएको हो ।
सम्मेलनमा ९१ पालिका र १३ वटा जिल्लाका युवाहरुको सहभागीता रहेको थियो । युवाहरुको सार्वाङ्गीन विकास, क्षमता, दक्षता सशक्तीकरण साथै समस्या, चुनाैती समाधानका विषयमा सम्मेलनमा छलफल गरिएको छ । जसमा युवाहरुले युवाहरुको जिम्मेवार र सम्भावनाका पाटा देशमै रहेछ भन्ने विषयमा सम्मेलनको उपलब्धि रहेको बताएका छन् ।
यस्तै बागमती प्रदेश सरकार मुख्यमन्त्री शालिकराम जम्कट्टेलले युवाहरू युवाहरुको जवाफ दिँदै नकारात्मक भ्रम समाजमा नजओस् र टिक्काटिप्पनी नगर्न आग्रह गर्नुभयो । समाजमा परिवर्तन नचाहनेहरुले सरकारको विरोध गरिरहेको उहाँको भनाइ छ । २०८१ लाई सीप वर्ष घोषणा प्रदेशको नीति तथा कार्यक्रममा समेटिएको भन्दै युवाहरू अपेक्षा र सवालहरुलाई एजेन्डाको रुपमा लिएको जानकारी दिनुभयो ।
यसैगरी पत्रकार सुरेश श्रेष्ठले प्रदेशका युवाका लागि अनुधानका कार्यक्रमहरु प्रभावकारी भएन भन्ने विषय जवाफ दिँदै मुख्यमन्त्री जम्कट्टेलले अनुधानका कार्यक्रम प्रभावकारी नभएको स्वीकार्नुभयो । न्युनतम १५ हजार युवाहरुलाई आर्थिक वर्ष ८१/८२ मा उद्योमशीलता सम्बन्धि तालिममा युवाहरुलाई सहभागी गराउने प्रतिबद्धता जनाउनुभयो । पुँजीको समिक्षा गर्दै गर्दा प्रदेश आफ्नै बैंक चाहिने निष्कर्षमा सरकार पुगे जानकारी दिनुभयो ।
कृषि विकास बैंकसँग २ अर्ब रुपैयाँ वार्षिक रुपमा लगानी गर्ने सहुलियत कर्जाका रुपमा सहकार्य गरिएको छ ।
पहिलोपटक ८०/८५ हुँदै १ करोड ६०/६५ हुँदै आवेदन गर्ने युवाहरुको संख्या शून्य हुँदा अनुदानका कार्यक्रम प्रभावकारी नभएको जानकारी दिनुभयो ।
जसले गर्दा रकम फिर्ता आउन थालिएपछि बैंक खोल्ने तयारीमा प्रदेश रहेको बताउनुभयो । साना व्यवसायीहरुलाई ३ अर्ब लगानी गर्ने योजना रहेको जानकारी दिनुभयो । युवालाई उत्पादनसँग जोड्दै नव प्रवर्द्दन नीति तथा कार्यक्रममा समेट्नु पर्ने भन्दै सम्मेलने १३ बुँदे घोषणा पत्र जारी गरिएको छ ।
यसअघि परिषद्ले पहिलोपटक हेटौंडामै युवा सम्मेलनको आयोजना गरिएको थियोे । जसमा १२ बुँदे घोषणा पत्रमा ७ बुँदे कार्यान्वयन तथा माग पुरा भएको परिषद्ले जनाएको छ ।
