हेटाैँडा । प्रदेशस्तरीय सडकमा बाढीपहिरो अवरोध प्रतिकार्य टोलीको कार्य प्रारम्भ भएको छ । बागमती प्रदेश सरकार भौतिक पूर्वाधर विकास मन्त्रालयले प्रदेशभित्र रहेका सडकसञ्जालमा हुने बाढी पहिरोको अवरोध तत्काल हटाउन द्रुत प्रतिकार्य टोली(क्युआरटी) गठन गर्दै कार्य प्रारम्भ भएको जनाएको छ । यातायात पूर्वाधार निर्देशानालय, हेटौँडाका निर्देशक पुष्कर प्रसाद पोखरेलको संयोजत्वमा ५ सदस्यीय दुत प्रतिकार्य टोली गठनसँगै कार्य पनि प्रारम्भ भएको हो ।
अहिले नेपालमा मनसुन सकृय रहेको अवस्था छ । मनसुनकै कारण पृथ्वी राजमार्गदेखि फाखेल सडक खण्ड जस्ता सडकहरु अवरुद्ध हुने गरेको छ । जसलाई मध्यनजर गर्दै भर्खरै बागमती प्रदेश सरकार भौतिक पूर्वाधर विकास मन्त्रालयको जिम्मेवारी सम्हाल्नु भएका मन्त्री अमन कुमार मास्केले पत्रकार सम्मेलन मार्फत कार्य प्रारम्भ भएको जानकारी दिनुभयो । यस्तै उहाँलेे सबैलाई उत्तरदायी बनाउन उक्त कार्य थालिएको उहाँको बुझाई छ ।
यसैगरी उहाँले उक्त टिमले विशेष गरी तीन वटा कार्य गर्ने छ । जसमा भोलिबाट नै मोबाइल टिम खटाएर सडकको अवस्थाबारे जानकारी समेत दिने जानकारी दिनुभयो । यस्तै भाैतिक पूर्वाधार विकास मन्त्रालय बागमती प्रदेशका सचीव अमृत श्रेष्ठले सम्भावित जोखिमको पहिचान गरी आगामी वार्षिक कार्यक्रममा सम्बोधन गर्दै जान उक्त कार्यले सहयोग पुग्ने बताउनुभयो । यस्तै उहाँले प्रदेशले निर्णय गरेका सडकहरू हाम्रो भन्ने गन्तव्य तय समेत भएको उहाँको बुझाई छ । दुई सय ५० सडकहरु प्रदेश सरकारको अधिनमा रहेपनि ४ हजार सडक बनाइ रहेको समेत बताउनुभयो ।
यसैगरी यातायात पूर्वाधार निर्देशानालय, हेटौँडाका निर्देशक तथा उक्त टोलीका संयोजक पुष्कर प्रसाद पोखरेलले उक्त कार्यलाई जिम्मेवारी ढङ्गले पूरा गर्ने प्रतिबद्धता जनाउनुभयो । टोलीले अवरुद्ध भएका मुख्य प्रादेशिक सडकहरुको पहिचान गर्ने कार्य निरन्तर गरिनुका साथै सुचना सम्प्रेषण गर्ने, बैकल्पिक मार्ग पहिचान गर्ने, आकस्मिक रुपमा अवरुद्ध सडकहरु यथाशीघ्र छिटो सुचारु गर्ने अन्तरनिकायसँग समन्वय गर्ने कार्य गर्नेछ ।
कार्यालयगत रुपमा आकस्मिक मर्मत सम्भार शीर्षकमा विनियोजित बजेटबाट स्रोत व्यवस्थापन गर्ने र प्रचलित कानूनको अधिनमा रहेर टोली स्वंयमबाट निर्धारित अन्य कार्यक्षेत्रगत शर्तहरुको कार्यान्वयन गर्ने र गर्न लगाउनेछ । प्रादेशिक सडक यातायात गुरुयोजना अन्तर्गत रहेका, सवारी चाप भएका तथा निर्विकल्प रुपमा निश्चित भूभाग जोड्ने मुख्य प्रदेश लोकमार्ग तथा प्रदेश मार्गहरुः सक्रीय मनसुनजन्य तथा अन्य प्राकृतिक विपद्का कारणवाट आपतकालीन आवागमन समेत अवरुद्ध हुने गरेको छ । न्यूनतम सूचना प्रवाह तथा समन्वयको अभावमा स्रोतको प्राभावकारी सदुपयोगका साथै वैकल्पिक पहुँचमार्ग पहिचान र सञ्चालन गर्न सकेको अवस्था छैन । जसले गर्दा जनसमुदायले सास्ती खेप्नुपरेको अवस्था छ ।
