शोकाकुल गाउँ कुर्दै लाहुरी भैंसी

भदौ ८ गते राती दोरम्बा सैलुङ्ग गाउपालिका ३ लेखर्कमा ठूलो पहिरो गयो। पहिरोले घर पुर्यो, पुर्यो पुरै बस्ती ।बस्ती र घर मात्र होइन १० जनाको सपना पनि सँगै पुर्यो।
५ घर पुरै पुर्यो त्यसमा पालेका कुखुरा, बाख्र देखि गाई,भैंसी सबै पुर्यो बगायो केही भेटिएन। अझै ४ जना बेपता छन। यो पुरै गाउँ बगाउँदा पनि एउटा भैंसी भने पहिरोको बिचमा जीउँदै छ। भैंसी कुन घरको कसको अझै एक्किन भएको छैन। होस पनि कसरी कुनै घरका मान्छे नै छैनन्।
भैंसी हेर्दा ब्याँउने जस्तो देखिछ। भैंसी माथी बाट बगाएर ल्याएको सजिलै अड्कल काट्न सकिन्छ। बिडम्बना भैंसी पहिरोको बिचमा छ। त्यसलाई उद्वार गर्न सकिने बाटो नै छैन। पहिरोले घाइते भएको भैंसी सामान्य बर्षाले नि बगाउदैन भन्न सक्ने अवस्था छैन। अहिले सिङ्गो गाउँ शोकमा छ तर उद्वार गर्न जाने टोलीको आँखा त्यही भैसीमा पुगेको देखिन्छ। कारण मर्ने त मरे बाच्नेहरुलाई बचाउ भन्य सबैको मनमा त हुन्छ नै। भैंसी हेर्दा बलियो, कालो र लामो ज्यान भएको लाहुरी भैंसी कसरी बच्यो त्यो भैंसी कसको होला? आदि इत्यादि प्रश्न सबैमा थिए। एक जना सुरक्षाकर्मी उद्वार गर्ने ठाउँमा पुगेर भैंसी निकाल्ने बाटो नहेरेको होइन के गर्नु बाटो छैन। माथी बाट पहिरो यताउता दलदले हिलो बिचमा लाहुरी भैंसी, हुनत जन्मदाँ सबैले आफ्नो भाग्य लिएर आउछन् कसले कुन दिन के गर्ने कति धनकमाउने , दुख गर्ने, छोराछोरी पाउने र मर्ने हो त्यही भएको छ लाहुरी भै्सीको अवस्था। मात्र जिज्ञासा् के हो भने यो शोकाकुल गाउकामा एउटा भैंसी बाच्छ कि मर्ला पहिरोले पुरिएर मर्ला कि? खान नपाएर मर्ला? कि पानी रहेर उद्वार गरेर भैंसी स्थानान्तरण हुन्छ कि??
ब्याँउने बेला त्यहाँ कसरी पुग्ला यिनै कुरा अहिले उद्वार गरेर फर्किने टोलीले कल्पना गरिरहेका छन।