मन्थली अस्पतालमा बिरामीको गुनासो सुन्न नपरोस् : राज्य मन्त्री तामाङ

मन्थली अस्पतालमा सेवा लिन आउने बिरामिहरुको कुनै प्रकारको गुनासो नआउने गरि काम गर्न स्वास्थ्यकर्मीलाई उर्जा, जलस्रोत तथा सिचाइ राज्य मन्त्री पुर्ण बहादुर तामाङ कान्छारामले निर्देशन दिएका छन।
१११ बिपी जयन्तीको अवसरमा अस्पतालमा रहेका बिरामीको स्वास्थ्य लाभको कामना सहित फलफुल वितरण गर्दै मन्त्री तामाङले निर्देशन दिएका हुन। दैनिक बिरामीको संख्या हेर्ने हो भने यसलाई संघीय अस्पताल बनाउनुपर्ने रहेछ अस्पताल प्रशासनले प्रक्रिया अगाडि बढाए अस्पताललाई संघीय अस्पताल बनाउन सहयोग गर्ने प्रतिबद्धता समेत मन्त्री तामाङले गरेका छन।
मन्थली अस्पताल भर्खरै प्रादेशिक अस्पताल रुपान्तरण हुने प्रदेशको योजना भए पनि अहिलेसम्म कुनै प्रकारको परिपत्र आएको छैन । बिरामीको संख्या हेर्ने हो भने संघीय अस्पताल बन्न पर्ने मन्थली १ का वडा अध्यक्ष होम पौडेल बताउछन् । अस्पताललाई माथिल्लो निकायले हेर्नुपर्ने कुरा जोड्दै वडा अध्यक्षले अस्पतालमा राज्य मन्त्री लगाएत फलफूल वितरण गर्न पुगेका नेतालाई अस्पतालमा स्वागत समेत गरेका थिए।
अस्पतालमा केही जनशक्ति अपुग भएको जनशक्ति पूरा भए कुनै गुनासो बिरामी बाट आउन नदिने कुरा अस्पतालका प्रमुख डाक्टर समीर क्षेत्रीले जनाएका छन, राज्य मन्त्री तामाङलाई अस्पतालको बारेका जानकारी गराउदै हामी बिरामिको सेवा गर्छौं हजुरहरुले जनशक्ति, स्रोत र साधन उपलब्ध गराउन आग्रह गरेका छन।