खाँडादेबी गाउपालिकाका ३३ जना कर्मचारी भ्रमणमा, पालिकाको कामकाज थप्प

रामेछाप खाँडादेबी गाउपालिकाका कर्मचारी भ्रमणमा छन। गाउपालीकाको ३३ जना कर्मचारी पालिकाको बजेटमा भ्रमण गएकोले काम काज थप्प भएको हो। कर्मचारीको ५ दिने भ्रमण रहेकोे प्रमुख प्रशासकीय अधिकृत पदम बहादुर बस्नेतले बताएका छन।
गत असोज १०,११ र १२ गते लगातार आएको बर्षाले पालिकामा कति क्षति पुगेको छ अहिलेसम्म डाटा सार्वजनिक गर्न सकेको छैन। यो समय कार्यलयका ३३ जना कर्मचारी भ्रमण जानू राम्रो होइन। हामीले नागरिकलाई जबाफ दिन सकेको छैन। कर्मचारीले जे गर्दा नि हुने रहेछ पालिकाका प्रबक्ता तथा खाँडादेबी ३ का वडा अध्यक्ष पुष्कर कार्कीले गुनासो गरेका छन। जनप्रतिनिधि पनि जाने कुरा उठेको थियो हामी नजाने भएपछि कर्मचारी मात्र गएका हुन। आइतबार र सोमबार कार्यलयका केही कर्मचारी बाहेक बाकी भ्रमणमै रहेको प्रबक्ता कार्कीले जनाएका छन।
बिपत्तिमा कर्मचारीको भ्रमण कतिको उपयुक्त हो भनी दोभानचौर खबरले पालिकाको उपाध्यक्ष रामा घिसिङलाई प्रश्न गर्दा उपाध्यक्ष घिसिङ भन्छिन् : मलाई कुनै जानकारी छैन। नीति तथा कार्यक्रममै राखेका थियौं। अहिले जाने कुराको मलाई कुनै आधिकारिक जानकारी छैन। अध्यक्ष ज्युलाई थाहा होला हाकिम साबलाई जानकारी होला मलाई केही थाहा छैन कहिले गएर कहिले आउने हो ।
कर्मचारीका लागि बजेट बिनियोजन गरेका हौं । हामीले कार्यपालिका भित्र छलफल गरेका छौँ । पालिकाको प्रबक्ता देखि सबै वडा अध्यक्षलाई र उपाध्यक्ष समेतलाई जानकारी छ। जनप्रतिनिधि पनि सँगै जाने कुरा थियो मेरो कार्यक्रम पर्यो म नजाने भएपछि जनप्रतिनिधि नगएका हुन। सबैलाई थाहा छ। यो दैनिक कार्यक्रम अन्तर्गतको एक कार्यक्रम हो पालिका अध्यक्ष ज्ञान कुमार श्रेष्ठले भने। श्रेष्ठका अनुसार आइतबार र सोमबार कार्यालयमा सामान्य काम हुनेछ। २७ गते मंगलबार सबै कर्मचारी कार्यलयमा आउने छन।
पालिकाले ५ लाखको बजेट बिनियोजन गरेकोमा ४ लाख सकिने अनुमान रहेको छ। पालिकाले प्रशासन शाखाका कर्मचारी इश्वर शर्माको नाममा पेस्की दिएको छ। कर्मचारीको नाममा पेस्की दिएर कार्यक्रम गर्न पाउने कानुनी ब्यवस्था छ पालिकाका अनुसार हामीले कोटेशन लिन आवश्यक नरहेको समेत जनाएका छन।
यो भ्रमण कुनै उपलब्ध मुलक नरहेको नागरिकको गुनासो छ। सामाजिक संजालमा राज्यको पैसा दुरुपयोग गरेर घुम्न जाने कर्मचारी र पठाउने जनप्रतिनिधि माथीनै प्रश्न खडा भएको छ। तस्वीर गुगल बाट संभार