रामेछाप । मन्थली नगरपालिकाको पुँगीगत बजेट आर्थिक बर्षको आधा अवधि सकिदा बल्ल खर्च ६ प्रतिशत मात्र भएको छ।
मन्थली नगरपालिकाले शुक्रबार भटौलीमा गरेको सार्वजनिक सुनुवाइ कार्यक्रममा सो कुराको जानकारी गराइएको हो। सार्वजनिक सुनुवाइमा नगरको काम प्रती असन्तुष्टि रहेकोे भन्दै श्री बहादुर माझिले नगर प्रमुखलाई प्रश्न गरे ; ६ महिना सम्म ६ प्रतिशात काम हुँदा अब ६ महिनामा कति काम हुन्छ मेयर साब? काम हुन असार मसान्तनै कुर्नुपर्ने हो?
नगर प्रमुख लब श्रेष्ठले योजनाको सम्झौताको काम भैइरहेकोले अब छिट्टै पुँजिगत खर्च बढ्ने बताए ।
मन्थली नगरपालिकाका प्रमुख प्रशासकीय अधिकृत देबर्षी सापकोटाले काम गर्न अझै ६ महिना भएकोले निराश हुन नपर्ने बताए । उनका अनुसार चालू खर्च पनि कमै रहेको छ। सार्वजनिक सुनुवाइमा जनप्रतिनिधिको काम प्रती असन्तुष्ट राख्दै सहभागीले जनप्रतिनिधि र कर्मचारीलाई हाकाहाकी प्रश्न गरेको थिए । प्रश्न कर्ताको जबाफ दिन जनप्रतिनिधि र कर्मचारीलाई हम्मे परेको थियो ।
