मकवानपुर । बकैया गाउँपालिका र बागमती प्रदेश प्राविधिक तथा व्यवसायिक शिक्षा एवं तालिम परिषद्को लागत साझेदारीमा सञ्चालित “Assistant Tailor Level 1” सीपमूलक तालिमको समापन तथा प्रमाणपत्र वितरण कार्यक्रम आज मिति २०८२ साल जेठ ११ गते सम्पन्न भएको छ।
उक्त तालिम २०८१ साल फागुन ९ गतेदेखि सञ्चालनमा आएको थियो। तालिमले सहभागीलाई सिलाईसम्बन्धी आधारभूत सीप प्रदान गर्नुका साथै स्वरोजगार र आत्मनिर्भरताको बाटोमा अघि बढ्न प्रेरित गर्ने उद्देश्य बोकेको थियो।
समापन समारोहमा परिषद्का प्रमुख कार्यकारी निर्देशक श्री शान्ति लामा, बकैया गाउँपालिकाका अध्यक्ष श्री धर्मराज लामिछाने, प्रमुख प्रशासकीय अधिकृत श्री महेश श्रेष्ठ, परिषद्का कर्मचारी, प्रशिक्षक तथा सहायक प्रशिक्षकहरू, कार्यक्रम संयोजक एवं सहायक महिला विकास निरीक्षक होमकुमारी सञ्जेल लगायतको उपस्थिति रहेको थियो।
कार्यक्रममा वक्ताहरूले तालिमले ग्रामीण समुदाय विशेष गरी महिलाहरूको सशक्तीकरणमा टेवा पुर्याउने विश्वास व्यक्त गरे। साथै, यस्ता तालिमहरूलाई आगामी दिनहरूमा अझ व्यापक रुपमा विस्तार गर्नुपर्ने आवश्यकता औंल्याइयो। तालिममा सहभागीहरुको सिप परिक्षणकको परिक्षा तत्काल तालिम केन्द्रमै हुने परिषद्क प्रमुख कार्यकारी निर्देशक शान्ति लामाले बताएका छन।
