काठमाडौं, जेठ १३ – नेपाल राष्ट्र बैंकका नव नियुक्त गभर्नर डा. विश्वनाथ पौडेलको नियुक्तिविरुद्ध सर्वोच्च अदालतमा रिट दर्ता गरिएको छ।
गत शुक्रबार अधिवक्ताहरू अनन्तराज लुईंटेल, प्रतिभा उप्रेती र विशाल थापाले गभर्नर नियुक्ति नेपालको संविधान र राष्ट्र बैंक ऐन, २०५८ को भावना विपरीत भएको दावी गर्दै रिट निवेदन पेश गरेका थिए। उक्त निवेदन सोमबार दर्ता भएको हो।
रिट निवेदनमा राजनीतिक दलको सिधा सिफारिसमा गभर्नर नियुक्त गरिएको भन्दै यो प्रक्रिया राजनीतिक स्वार्थमा आधारित र गैरकानुनी रहेको उल्लेख गरिएको छ।
सर्वोच्च अदालतले बुधबारका लागि उक्त मुद्दामा प्रारम्भिक सुनुवाइको मिति समेत तोकेको छ।
राष्ट्र बैंक जस्तो संवेदनशील वित्तीय नियामक संस्थामा स्वतन्त्र र निस्पक्ष व्यक्तित्वको नियुक्ति हुनुपर्नेमा सरकारको कदमले संस्थाको स्वायत्तता र विश्वसनीयतामाथि प्रश्न उठेको छ।
