काठमाडौं: डा. गोविन्द केसीले आइतबारदेखि २३औँ अनशन सुरु गरेका छन् । उनले कैलालीको धनगढीबाट अनशन प्रारम्भ गरेका हुन् ।
चिकित्सा शिक्षा आयोग र प्रधानमन्त्रीको गलत ढंगले गरिएको निर्णय—निजी मेडिकल कलेजमा विद्यार्थी सिट संख्या बढाउने निर्णय—फिर्ता लिनुपर्ने माग डा। केसीले गरेका छन् ।
साथै, उनले मेडिकल कलेजमा शुल्क वृद्धि नगर्न, सम्झौताअनुसार इलाम, उदयपुर र डडेलधुरामा सरकारी मेडिकल कलेज स्थापना गर्न तथा गेटा मेडिकल विश्वविद्यालयलाई तुरुन्त पूर्ण क्षमतामा सञ्चालन गर्दै अस्पताल सेवा र शैक्षिक कार्यक्रम प्रारम्भ गर्नुपर्ने माग समेत राखेका छन् ।
