चीन: प्रधानमन्त्री केपी शर्मा ओलीले भियतनामका प्रधानमन्त्री फाम मिन चिङसँग भेटवार्ता गरेका छन्।
शाङ्घाई सहयोग संगठन (एससिओ) को शिखर सम्मेलनमा सहभागी हुन चीन पुगेका प्रधानमन्त्री ओलीले थियानजिनमा प्रधानमन्त्री चिङसँग दुईपक्षीय भेटवार्ता गरेका हुन्।
भेटवार्तामा भियतनामका प्रधानमन्त्री चिङले उपराष्ट्रपति भो थि आन सुआनको हालैको नेपाल भ्रमणलाई स्मरण गर्दै प्रधानमन्त्री ओलीलाई भियतनाम भ्रमणको निमन्त्रणा दिए।
त्यस अवसरमा प्रधानमन्त्री ओलीले नेपाल आगामी वर्ष विकासशील मुलुकमा स्तरोन्नति हुने जानकारी दिँदै ऊर्जा क्षेत्रमा लगानीका लागि भियतनामी पक्षलाई आह्वान गरे। साथै उनले प्रधानमन्त्री चिङलाई नेपाल भ्रमणको निमन्त्रणा पनि दिए।
