रामेछाप डाँडा स्थित कारागारमा रहेका कैदिहरुले गेटका सबै तालाहरु र गेट तोडेर भाग्ने प्रयास गरेपछि नेपाली सेनाले गोली चलाएको प्रमुख जिल्ला अधिकारी श्यामकृष्ण थापाले बताए ।
कैदिहरुले गेटका सबै तालाहरु र गेट तोडेर भाग्ने प्रयास गरेपछि नेपाली सेनाले गोली चलाएको हो।
सेनाको गोली लागेर २ कैदीको मृत्यु भएको छ भने १३ जना घाइते भएका छन् ।
घाइतेहरुको रामेछाप अस्पतालमा उपचार भईरहेको छ।
कारागारभित्र कैदीले तोडफोड गरि भाग्न खोजेपछि स्थितिलाई नियन्त्रण गर्ने क्रममा गोली चल्न पुगेको बताइएको छ। सुरक्षाकर्मीको प्रयासपछि अहिले अवस्था नियन्त्रणमा रहेको जिल्ला प्रशासन कार्यालयले जनाएको छ।
घटनास्थलमा प्रमुख जिल्ला अधिकारी, नेपाली सेनाका कर्णेल र प्रहरीका डिएसपीसहित उच्च अधिकारी पुगेका छन्।
