काठमाडौँ: “जेन–जी” प्रदर्शनका क्रममा सिंहदरबार र सर्वोच्च अदालतमा भएको आगजनीबाट भौतिक संरचनामा क्षति पुगे पनि डिजिटल तथ्याङ्क (डाटा) भने सुरक्षित रहेको पुष्टि गरिएको छ।
एकीकृत डाटा व्यवस्थापन केन्द्र (आईडीएमसी) का कम्प्युटर इन्जिनियर दीपेन्द्र रौनियारका अनुसार, सिंहदरबारभित्र रहेका विभिन्न सरकारी निकाय र सर्वोच्च अदालतका डाटा प्रणालीमा असर नपरेको बताए।
डाटा सुरक्षाको लागि हेटौंडामा स्थापना गरिएको डिजास्टर रिकभरी सेन्टर पनि पूर्ण रूपमा सुरक्षित रहेको रौनियारले जानकारी दिए।
नेपाली सेना र स्थानीयवासीले पनि सुरक्षा दिएकाले हिजोको आगजनीको प्रयासबाट सुरक्षित रहेको उनको भनाइ छ ।
