सिन्धुली,
Zen G आन्दोलनका क्रममा भौतिक क्षति पुगेका दुई महत्वपूर्ण कार्यालय जिल्ला प्रशासन कार्यालय सिन्धुली र जिल्ला अदालत सिन्धुलीलाई मरिण गाउँपालिकाले एक–एक थान कम्प्युटर सेट हस्तान्तरण गरेको छ।
गाउँपालिकाका अध्यक्ष बिमर्श मुक्तानले नागरिक सेवामा सहजता ल्याउने उद्देश्यले सो सामग्री हस्तान्तरण गरिएको बताए। उनले भने, “कार्यालयमा आवश्यक उपकरण अभावका कारण नागरिकले सेवा लिन सास्ती बेहोर्नु नपरोस् भन्ने हेतुले हामीले सहयोग गरेका हौं।”
मरिण गाउँपालिकाका कार्यकारी अधिकृत विकास सुन्दासले पालिकाको सानो सहयोगले पनि जिल्लाभरका नागरिक सेवामा सहजता आउने विश्वास व्यक्त गरे। उनी भन्छन् हाम्रो सहयोगले नागरिक सेवामा सुधार आउने हो भने त्यही नै हाम्रो जिम्मेवारी हो।
