काठमाडौँ: राष्ट्रपति रामचन्द्र पौडेल कतारको दोहामा हुने ‘सामाजिक विकाससम्बन्धी दोस्रो विश्व सम्मेलन’मा सहभागी हुन प्रस्थान गरेसँगै उहाँको अनुपस्थितिमा राष्ट्रपतिबाट हुने कार्यको कार्यभार उपराष्ट्रपति रामसहायप्रसाद यादवलाई तोकिएको छ।
राष्ट्रपति पौडेलले नेपालको संविधानको धारा ६७ को उपधारा (२) अनुसार आफ्नो अनुपस्थितिको अवधिमा राष्ट्रपतिबाट सम्पादन हुने कार्य उपराष्ट्रपतिबाट गरिने व्यवस्था गर्नुभएको राष्ट्रपति कार्यालयका प्रवक्ता प्रदीपकुमार कोइरालाद्वारा जारी विज्ञप्तिमा उल्लेख गरिएको छ।
राष्ट्रपति पौडेल आज बिहान नेपाली प्रतिनिधिमण्डलको नेतृत्व गर्दै कतार प्रस्थान गर्नुभएको हो। उहाँ १७ देखि २० कात्तिकसम्म दोहामा हुने सम्मेलनमा सहभागी हुने कार्यक्रम रहेको छ।
