दोलखा: दोलखाको गौरीशङ्कर गाउँपालिका–९ यलुङ बेसक्याम्प क्षेत्रमा गएको हिमपहिरोमा परेर तीन जना विदेशी पर्यटकको मृत्यु भएको छ भने आठ जना बेपत्ता भएका छन्।
दोलखा प्रहरीले दिएको जानकारी अनुसार, उद्धारका लागि नेपाली सेना, सशस्त्र प्रहरी र जनपथ प्रहरीसहित करिब ५० जनाको टोली घटनास्थलतर्फ पठाइएको छ। पहिरोमा परी घाइते भएका चार जनाको उद्धारका लागि हेलिकोप्टर नागाउँमा अवतरण गरिसकेको छ।
घाइते हुनेमा क्यानडाका मार्को दी मार्सेलो, इटालीका पाउलो कोको र फ्रान्सकी कारोले फुच्स रहेका छन्। उद्धार कार्यमा स्थानीयवासी र जनप्रतिनिधिहरू पनि सक्रिय रहेको गौरीशङ्कर गाउँपालिका–९ का वडाध्यक्ष ङिमगेली शेर्पाले बताए।
