रामेछाप: आगामी फागुन २१ गते हुने प्रतिनिधिसभा सदस्य निर्वाचनको तयारी तीव्र पारिएको छ। निर्वाचन आयोगले सार्वजनिक गरेको पछिल्लो विवरणअनुसार एउटा मात्र निर्वाचन क्षेत्र रहेको रामेछाप जिल्ला देशकै सबैभन्दा धेरै मतदाता भएको क्षेत्र बनेको छ।
जिल्ला निर्वाचन कार्यालय रामेछापका अनुसार जिल्लामा कुल एक लाख ८७ हजार ९५२ मतदाता रहेका छन्। तीमध्ये ९६ हजार ८९२ पुरुष र ९१ हजार ६० महिला मतदाता छन्।
निर्वाचनका लागि जिल्लाभरिका दुई नगरपालिका र छ गाउँपालिकामा ९६ मतदान स्थल तथा २२८ मतदान केन्द्र निर्धारण गरिएको कार्यालयले जनाएको छ।
