काठमाडौं: राष्ट्रपति रामचन्द्र पौडेलले नेपालीहरूको महत्वपूर्ण पर्व फागुपूर्णिमा ९होली०ले समाजमा आपसी सद्भाव र एकता सुदृढ गर्न प्रेरणा प्रदान गरोस् भनी कामना गरेका छन्।
होली पर्वको अवसरमा आज जारी गर्नुभएको शुभकामना सन्देशमार्फत उनले स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइहरूलाई सुख, शान्ति र समृद्धिको मङ्गलमय शुभकामना व्यक्त गरेका छन्।
सन्देशमा राष्ट्रपति पौडेलले उल्लेख गरेका छन्, “होली पर्वले समाजमा विद्यमान विभिन्न प्रकारका विकृति, विसङ्गति र कुरीतिहरूलाई निर्मूल गर्दै मौलिक संस्कृतिको संरक्षण तथा संवर्द्धन गर्न र आपसी सद्भाव कायम राख्न थप प्रेरणा प्रदान गरोस् भन्ने शुभकामना व्यक्त गर्दछु।”
असत्यमाथि सत्य, अन्यायमाथि न्याय, दुराचारमाथि सदाचार र अधर्ममाथि धर्मको विजयको प्रतीकका रूपमा मनाइने होली पर्वमा वैरभाव परित्याग गरी प्रेम, आत्मीयता र मित्रताको भावनासहित आफन्तजन तथा साथीसङ्गीसँग अबिर र रङ दलेर खुसी साटासाट गर्ने परम्परा रहेको उनले बर्ताए।
रङ्गहरूको पर्वका रूपमा प्रत्येक वर्ष फागुपूर्णिमा ९होली० देशभर वसन्त ऋतुका विविध रङ्गहरूलाई प्रतिविम्बित गर्दै हर्षोल्लासपूर्वक मनाइन्छ। विभिन्न रङ्गीचङ्गी कपडाले सजाइएको चिर ठड्याएपछि सुरु हुने होली पर्व पूर्णिमाको राति चिर दाह गरेपछि समापन हुने परम्परा छ।
राष्ट्रपति पौडेलले होलीमा खेलिने विविध रङ्गहरू जस्तै नेपाली समाज पनि जातीय, भाषिक र सांस्कृतिक रुपमा विविधतापूर्ण रहेको र त्यही विविधताबीचको एकता नै हामी नेपालीको पहिचान र सुन्दरता भएको पनि उल्लेख गरेका छन्।
