काठमाडौं । निर्मला पन्तको हत्या आरोपमा प्रहरीले एक जना पक्राउ गरेको छ । प्रहरीले कञ्चनपुरकी निर्मला पन्तको हत्या आरोपमा शंकास्पद एक भारतिय नागरिकलाई पक्राउ गरेर नेपाल ल्याएको हो । भिमदत्त नगरपालिका उल्खाटामकी १३ बर्षिय निर्मला पन्तको १० साउन २०७५ मा कञ्चनपुरको बलात्कारपछि हत्या भएको थियो ।
आज भन्दा १५ दिन पहिले उनलाई पक्राउ गरेको भए पनि डिएनए रिपोर्ट आउन बाँकी रहेकाले प्रहरीले पक्राउको कुरा गोप्य राखेको बताएको छ ।
प्रहरीका एकजना उच्च अधिकृतका अनुसार अलीलाई नेपाल ल्याएपछि प्रहरी प्रधान कार्यालय अपराध अनुसन्धान विभागका एआईजी प्रद्धुम्न कार्की गत साता कञ्चनपुर गएका तर विधि विज्ञान प्रयोगशालामा डिएनए परिक्षणका लागी स्याम्पल पठाइएको भएपनि रिपोर्ट आउन बाँकी रहेको हुदा जानकारी बाहिर नआएको हो ।
निकार अलि कञ्चनपुर स्थित निर्मला पन्तको हत्या भएको ठाउँ नजिकै जग्गा भाडामा लिएर तरकारी खेती गर्दथे र उनको डिएनए म्याच भएमा उनलाई सार्वजनिक गरिने बताईएको छ ।
यस अघि पक्राउ गरिएका दिलीपसिंह विष्टको डिएनए नमिलेपछि उनलाई रिहा गरिएको थियो ।
