काठमाडौं । राप्रपालाई विधानबाट हिन्दू राष्ट्र र राजसंस्था भन्ने शब्द हटाउन पत्र आएको छ । राष्ट्रिय प्रजातन्त्र पार्टी (राप्रपा)लाई विधानबाट हिन्दू राष्ट्र र राजसंस्था भन्ने शब्द हटाउन निर्वाचन आयोगले पत्र पठाएको हो ।
आयोगले यहि माघ २ गते राप्रपालाई एक पत्र पठाएर विधानको प्रस्तावनामा रहेर्को सनातन हिन्दू राष्ट्र एवं राजसंस्था सहितको प्रजातन्त्रको मान्यता अभिवृद्धि गर्न र कायम राख्न’ भन्ने वाक्यांश हटाउन भनेको छ । यो संविधानको प्रस्तावना एवं भावना बिपरित भएकाले यो वाक्यांस विधानबाट हटाउन आयोगले भनेको हो ।
संविधानसँग बाझिएको कुरा मिलाउन पत्र पठाउनु सामान्य भएको राप्रपा केन्द्रीय सदस्य झनक प्याकुरेलले बताए । उनले कोरोना महामारीका कारण जवाफ पठाउन नपाएको र हिन्दू राष्ट्र र राजसंस्था हाम्रो कोर भ्यालु भएकाले राप्रपाले उक्त बाक्यांस नहटाउने कुरा स्पष्ट पारेका छन् । उनीले पार्टिको निर्वाचन आयोग सम्बन्धी समन्वय गर्ने जिम्मेवारी पाएका छन् ।
राप्रपाका पूर्वअध्यक्ष कमल थापाले आयोगको यो निर्देशन संविधान र प्रजातान्त्रिक मान्यता विपरीत भएको भन्दै पार्टीको वर्तमान नेतत्वले कुनै प्रतिक्रिया नजनाउनु र पत्र लुकाएर राख्नु आश्चर्यजनक भएको बताएका छन् । उनी अध्यक्ष हुदा आयोगको यस्तै निर्देशन आएको थियो तर उक्त निर्देशनलाई उनले अस्वीकार गरेको थिए ।
निर्वाचन आयोगले केहि दिन पहिले संविधानमा बाझिएका शब्द हटाउन नेकपा एमाले र नेकपा (माओवादी केन्द्र)लाई पनि विधानमा रहेका केहि हटाउन निर्देशन दिएको थियो ।
