काठमाडाैं । पशुपति धर्मशाला सचांलन सम्बन्धि बतास समूहको पक्षमा उच्च अदालतले आदेश दिएकाे छ । न्यायाधीश नरिधर भण्डारीको एकल इजलासमा उच्च अदालत, पाटनले पशुपति क्षेत्र विकास कोष विरुद्ध बतास समूहले दायर गरेको मुद्दामा अल्पकालीन अन्तरिम आदेश जारी गरेको हाे ।
फैसलामा भनिए अनुसार अन्तरिम आदेशको टुङ्गो नलागेसम्म मिति २०७६ र ०१ र ३० को करार सम्झौता बमोजिम होटेल आनन्द प्रालिको सञ्चालनमा कुनै बाधा, अवरोध सिर्जना नगर्नु–नगराउनु भनी विपक्षीका नाउँमा अल्पकालीन अन्तरिम आदेश जारी गरिएको छ ।
कोषसँग नेपाल–भारतमैत्री पशुपति धर्मशाला भाडामा लिएको होटेल आनन्द प्रालिले निषेधाज्ञा आदेशको माग गर्दै गत बिहीबार कोषविरुद्ध उच्च अदालतमा मुद्दा दायर गरेको थियो । अदालतले छलफलका लागि दुवै पक्षलाई यही फागुन ९ गते उपस्थित हुन आदेश दिएको छ ।
संस्कृति, पर्यटन तथा नागरिक उड्डयनमन्त्री प्रेमबहादुर आलेले केहि समय पहिले पशुपति धर्मशालाका नाममा सम्झाैताविपरित सस्ताेमा हाेटलकाे सुविधा नदिएर महगाें रकममा हाेटल सञ्चालन गरेकाे आराेप लगाउदै बताससगकाे सम्झाैता रद्ध गरेका थिए ।
