काठमाडौं । राष्ट्र बैंकका गभर्नर निलम्बन गर्नु गलत भएको नेकपा एमालेका अध्यक्ष केपी शर्मा ओलीले बताएका छन् । शनिबार काठमाडौंमा आयोजित पार्टीको कार्यक्रमलाई सम्बोधन गर्दै अध्यक्ष ओलीले अर्थतन्त्र बुझेको मान्छेलाई निलम्बन गर्नु गलत कार्य भएको बताएका हुन् ।
ओलीले राष्ट्र बैंकका गभर्नर महाप्रसाद अधिकारीलाई सरकारले निलम्बन गर्नु भनेको उनलाई बलिको बोका बनाईएको बताएका छन् । उनले अर्थतन्त्र बिगार्ने मान्छे अर्कै भएको तर गभर्नरलाई अर्थतन्त्र बिगारेको आरोप लगाएर निकाल्नु भनेको ‘धान खाने मुसो, चोट पाउने भ्यागुतो’ भन्ने उखान जस्तै भएको प्रतिक्रिया दिएका हुन् ।
ओलीले ‘थुतुनाभरी रौं भएको मुसाले धान खायो, एउटै रौं नभएको भ्यागुतालाई कारबाही भयो’ उनले भने, ‘धान खाने मुसो चोट पाउने भ्यागुतो जस्तै भयो यो त ’ भनेका छन् ।
निलम्बित गभर्नर अधिकारी अर्थतन्त्र जोगाउनका लागि प्रयासरत रहेको तर सरकारले गभर्नरलाई कारबाही गरेको सुनेको ओलीले भनेका छन् । अगाडी भन्छन् जसले अर्थतन्त्र जोगाउनका लागि केही प्रयास गर्दै थिए,’ ‘राष्ट्र सेवक, एउटा अर्थशास्त्री, अर्थतन्त्र बुझेका मान्छेलाई बलिको बोको बनाइयो ।’
उनले गभर्नर अधिकारीलाई निलम्बन गरेर सरकारले माओवादीले नियुक्त गरेका न्यायाधीशको नेतृत्वमा छानबीन समिति बनाएको आरोप समेत लगाएका छन् ।
