हेटौंडा ।आँचल साहित्य कला पुञ्जले आउँदो बैशाख ५ गते वक्तृत्वकला प्रतियोगिता आयोजना गर्ने भएको छ । साहित्यकार पारिजातको स्मृति दिवसको अवसरमा वक्तृत्वकला प्रतियोगिता आयोजना गर्न लागेको आँचलकी अध्यक्ष भावना सापकोटाले आइतबार पत्रकार सम्मेलनमार्फत जानकारी दिइन् । गत वर्ष आचलले पारिजात स्मृति दिवसको सन्दर्भमा ‘पारिजात’ विषयक खुला कविता प्रतियोगिता आयोजना गरेको थियो ।
हेटौँडा उपमहानगरपालिका १० नं. वडा कार्यालयसँगको सहकार्यमा हुने प्रतियोगितामा पहिलो, दोस्रो र तेस्रो हुनेले क्रमशः ८ हजार, ६ हजार, ४ हजार नगद सहित प्रमाणपत्र प्राप्त गर्ने छन् । त्यस्तै सान्त्वना हुनेले पनि नगद २ हजार प्राप्त गर्नेछन् । त्यस्तै वैशाख १५ गते हेटौंडा उपमहानगरपालिकासँगको सहकार्यमा वृहत साहित्यिक तथा साँस्कृतिक कार्यक्रमको आयोजना गर्न लागिएको उनले बताईन् ।
