हेटौंडा/ तामाङ पत्रकार संघ मकवानपुरको आयोजना तथा हेटौंडा उपमहानगरपालिकाको सहयोगमा तामाङ भाषा, संस्कार, संस्कृति सम्बन्धि अभिमुखीकरण दिएको छ । सोमबार मकवानपुर जिल्लाका तामाङ पत्रकार र संघसंस्थाका व्यक्तिलाई अभिमुखीकरण दिएको हो ।
तामाङ पत्रकार संघ मकवानपुरका अध्यक्ष जयराम लामाको सभाध्यक्ष तथा हेटौंडा-२, नम्बर वडा कार्यालयका वडाअध्यक्ष विष्णुगोपाल महर्जनको प्रमुख आतिथ्यतामा कार्यक्रम भएको हो । कार्यक्रममा मन्तव्य व्यक्त गर्दै अध्यक्ष महर्जनले भाषा, कला र संस्कृति संरक्षणका लागि आफैंबाट सुरु गर्न जरुरी रहेको जानकारी दिए । पहिलोपटक नेपाल भाषा र तामाङ भाषाको साइनबोर्ड प्रयोग गर्ने सरकारी कार्यालयहरुमा नेपालको पहिलो २ नम्बर वडा रहेको बताए ।
जसले गर्दा यसरी कामकाजीको रुपमा हाम्रो भाषा प्रयोग भइ रहँदा अवसरका पाटा तथा सम्भावना खुला भएको छ । अब कार्यान्वयन पाटो कस्तो रहन्छ भन्ने कुरा आगामी दिनमा थाहा हुने उहाँको भनाइ छ । सबै एकजुट भए मात्र उक्त विषय कार्यान्वयनमा आउने भएकाले एकजुट हुन आग्रह गरे ।
अधिवक्ता अमृत कुमार लामा, भाषा विद् जीवन मोक्तान, राक्सिराङ गाउँपालिकाका उपाध्यक्ष बनस्थम थिङ, तामाङ पत्रकार संघका संस्थापक अध्यक्ष आदर्श थोकरले उक्त विषयमा प्रशिक्षण दिए । कार्यक्रममा नेपाल तामाङ घेदुङ मकवानपुरका सचीव किरणमान बल लामा, सल्लाहकार सानुलामा दोङ, राजकुमार गोले, जीवनमान मोक्तान, तामाङ कलाकार संघ मकवानपुरका सचिव बिक्रम लुङ्बा लगायतको उपस्थिति थियोे ।
