भदौ २५ , मेनुका बुढाथोकी सिन्धुली ।
विश्व आत्महत्या रोकथाम दिवसको अबसरमा अन्तरक्रिया कार्यक्रम गरिएको हो। उक्त कार्यक्रमको आयोजना जनस्वास्थ्य कार्यालय सिन्धुलीले गरेको थियो। कार्यक्रम आत्महत्या रोकथाम तथा न्युनिकरण सम्बन्धी पत्रकार र सरोकारवालाहरुसँग अन्तरक्रिया गरेर सम्पन्न गरेको हो।
अन्तरक्रियामा सिन्धुली अस्पतालका मेडिकल अधिकृत अपर्ना कार्कीले आत्महत्या भनेको के हो? यसका लक्षण, यसको अवस्था, कानुनी प्रावधान, रोकथामका उपायहरु र समस्या तथा चुनौतीको बारेमा प्रस्तुतीकरण दिएकी थिइन।
आत्महत्या वा आत्महत्याको सोच आएकमा निशुल्क टोल फ्रि नम्बर ११६६ मा सम्पर्क गरि परामर्श लिन पाउने ब्यवस्था रहेको डाक्टर कार्कीले जनाएकी हुन भने सिन्धुली अस्पताल एकद्धार संकट व्यवस्थापन केन्द्र (ओसिएमसि) घटना व्यवस्थापक सुनिता शर्माले ओसिएमसि स्थापना भएदेखि हासम्म २ हजार १ सय ८१ जनाले सेवा लिएको समेत दाबी गरेकी छन । ती मध्ये ओसिएमसिमा काउनसिलिङगका लागी फलोअपमा आईरहेका सेवाग्राहीको संख्या १ हजार ४ सय १० रहेको शर्माले उल्लेख गरेकी हुन। मानसिक तथा मनोसामाजिक समस्या भई उपचार पाएका तथा औषधी सेवन गरिरहेका सेवाग्राहीको संख्या १ सय ४५ जना रहेको र १ सय ४५ जना मध्ये फलोअपमा रहेको सेवाग्राहीको संख्या १ सय २३ रहेको पनि शर्माले बताएकी हुन।
