मन्थली अस्पतालमा बढ्यो बिरामीको चाप

रामेछापको मन्थली नगरपालिका नगर अस्पतालमा बिरामीको चाप बढेको छ। १५ सैया अस्पतालमा उपचारका लागि पुगेका विरामीले बेड नपाएर कुर्सीमा बसेर ईमर्जेन्सी उपचार गराउन बाध्य भएका छन।
आइतबार अस्पतालमा उपचारका लागि ३ सय ७५ जना भन्दा बढी बिरामी आएको अस्पतालका निमित्त प्रमुख डाक्टर केशब धामीले बताए। धामिका अनुसार अधिकांश बिरामी रुघाखोकी र ज्वरोका रहेका छन। मौसम परिवर्तन सँगैमन्थली आसपास ज्वरो महामारीनै बन्न पुगेको छ। अस्पतालमा बेड छैन ओपिडीमा प्रयाप्त डाक्टर छैनन्। स्वास्थ्यकर्मी र प्राबिधिक दरबन्दी अनुसार नहुदा बिरामीलाई भनेजस्तो सेवा दिन नसकेको गुनासो समेत डाक्टर धामीले गरेका छन। एउटा डाक्टरले दिनभरमा १२० जना भन्दा बढी बिरामी हेर्नुपर्ने अवस्था रहेको अस्पतालमा कार्यरत डाक्टरहरुको गुनासो छ। यो समयमा हामीलाई थप जनशक्तिको खाचो रहेको छ एक डाक्टर धामी बताउछन् ।
खाँडादेबी ५ पकरवास बाट आइतबार बिहान ९ बजे उपचारका लागि मन्थली अस्पताल आइपुगेका एकजना बिरामीले दिउसो १ बजेसम्म स्वास्थ्य परिक्षण गर्न पालो पाएका छैनन्। बेलुका ८ बजे सम्म कुरेर भएपनी डाक्टरलाई रोग परिक्षण गराएर जाने आशामा उनी कुरेर बसेका छन।
यतिबेला मन्थली अस्पताल प्रति नागरिकको बिश्वास बढेको छ। स्थानीय सरकारले यस अस्पतालमा थप जनशक्ति र उपकरणको ब्यवस्था गर्ने हो भने नागरिकले सामान्य उपचार गर्न काठ्माण्डौ पुग्नु पर्ने परिस्थितिको अन्त्य हुने कुरा नागरिकले आशा गरेको छन।