बिद्यार्थीलाई प्राबिधिक सिप प्रदान गरिदै

काठमाडौ । औधोगिक प्रशिक्षार्थीलाई तालिमको विषय पहिचान सम्बन्धि छलफल तथा अन्तरक्रिया कार्यक्रम सम्पन्न भएको छ।
बागमती प्रदेश सरकारकाे सामाजिक विकास मन्त्री हरिप्रभा खड्गीको प्रमुख आतिथ्यतामा कार्यक्रम भएको हो भने बागमती प्रदेशका प्रदेश सदस्य माननीय दिपेन्द्र श्रेष्ठ, माननीय रमेश महत, माननीय याङ्गिला शेर्पा, माननीय दिनेशचन्द्र देबकोटा, माननीय समिता खड्की, माननीय शान्ता ढकाल, माननीय सोना परिवार, माननीय मिना पराजुली र बागमती प्रदेशका बजेट तथा योजना आयोग सदस्य माननीय गुणराज मोक्तानको सहभागीता रहेको थियो।
सोमबार एलो पकोडा होटलमा भएको कार्यक्रममा स्विज परियोजना प्रमुख तथा बागमती प्रदेश उधोग परिसंघका अध्यक्षको सहभागीता रहेको बागमती प्रदेश सिटिभिटिका प्रमुख कार्यकारी निर्देशक शान्ति लामाले उल्लेख गरेका छन।
बागमती प्रदेश सरकार र स्विज परियोजनाको संयुक्त लगानीमा बिद्यार्थीहरुलाई होटल सम्बन्धि सिप प्रधान गरि दक्ष बनाउन लागेको निर्देशक लामाले दोभानचौर खबरलाई जानकारी दिएका छन।
१५ महिना देखि एभरेस्ट होटलमा प्राक्टिकल गरिरहकी सर्लाहीकी मुस्कान चौधरी भन्छिन् अब म रोजगारको लागी भौतारिनु पर्दैन सिप सिके कामको अफर पनि आएको छ। कोर्स पुरा हुने बित्तिकै म रोजगार बन्न सक्छु।
अहिले युवाहरू बिदेशीएको यो समयमा सिप सहितको शिक्षा र रोजगार सहितको शिक्षा दिन प्रदेश सरकार लागि परेको सामाजिक बिकास मन्त्री खड्कीले उल्लेख गर्नुभएको छ।
बिद्यार्थीलाई देशमै राख्न प्राबिधिक शिक्षा लागु गर्ने तयारी गरेको सिटिभिटि बागमती प्रदेशका प्रमुख कार्यकारी निर्देशक शान्ति लामाले बताउनुभयो।