काठमाडौं: फेसबुकमा स्टाटस लेखेर सम्पर्कबिहीन भएका डा. केशव श्रेष्ठ भेटिएका छन् । जिल्ला प्रहरी परिसर काठमाडौंको टोलीले डा. श्रेष्ठलाई तार्केश्वर नगरपालिका -३ स्थित श्रिनाथ वुटिक रिसोर्टमा भेटाएको हो ।
प्रहरीले उनको मोबाइलको अन्तिम लोकेसनको आधारमा खोज तिब्र पारेको थियो ।
जिल्ला अस्पताल रामेछापबाट रमाना लिएर हेटौँडामा हाजिर हुन गएका श्रेष्ठले आफूलाई हाजिर नगराइएको भन्दै सामाजिक सञ्जाल फेसबुकमा लामो स्टाटस लेखेर सम्पर्कविहीन भएका थिए ।
श्रेष्ठको खोजीमा काठमाडौं प्रहरी परिसर, साइबर ब्यूरो सहित उपत्यका अपराध अनुसन्धान कार्यालयमा खटिएका अधिकृतहरूको टोली परिचालित गरिएको थियो ।
