रामेछाप । समाज बदल्न ठूलाठूला पद, भाषण वा योजनाको मात्रै खाँचो हुँदैन, कहिलेकाहीं एउटा न्यानो टोपी, एउटा ट्याकसुट र न्यानो मनले पनि बालबालिकाको जीवनमा उज्यालो ल्याउन सक्छ। यस्तै उज्यालो ल्याउने पात्र हुन् रामेछापका समाजसेवी तथा नेपाली कांग्रेसका नेता भरतप्रसाद चौलागाईं।
भरतप्रसाद चौलागाईंले मन्थली नगरपालिका–२ कठजोरस्थित निलकण्ठेश्वर माध्यमिक विद्यालयमा अध्ययनरत बालबालिकालाई ट्याकसुट वितरण गरे — जुन केवल लुगा बाँड्ने काम थिएन, त्यो थियो शिक्षामैत्री वातावरण बनाउने संकल्प।
शुक्रबार विद्यालयमा आयोजित कार्यक्रममा कक्षा इ.सी.डी.देखि कक्षा १२ सम्मका ४ सयभन्दा बढी विद्यार्थीहरूलाई ट्याकसुट वितरण गरियो। यो सहयोग केवल एकदिनको कार्यक्रम थिएन, यो त रामेछापका धेरै बिधालमा पुगिसकेको छ — उनले भविष्यमा रामेछापका हरेक सामुदायिक विद्यालयका विद्यार्थीलाई ट्याकसुट उपलब्ध गराउने योजना अघि सारेका छन्।
साना हातमा न्यानो सपना
सामान्यतः गरीब, दुर्गम र ग्रामीण परिवेशमा रहेका बालबालिकाले सधैं ठूला सपना देख्ने अवसर पाउँदैनन्। उनीहरूका लागि विद्यालय पुग्नु पनि चुनौती हो। तर चौलागाईंले त्यस्ता बालबालिकालाई चिसोमा न्यानो लुगा दिएर सपना देख्ने र पढ्न पाउने हकलाई सघाएका छन्।
उनी विगत केही वर्षदेखि रामेछापका दर्जनौं सामुदायिक विद्यालयहरूमा कम्प्युटर, प्रिन्टर र अन्य शैक्षिक सामग्रीहरू वितरण गर्दै आइरहेका छन्। शिक्षा सुधारमा निजी लगानीकै आधारमा सक्रिय रहेकाले उनले धेरैपटक सयौं सेट ट्याकसुट वितरण गरिसकेका छन्।
समर्पणको सम्मान
निलकण्ठेश्वर माविले चौलागाईंको यस योगदानलाई सश्रद्धा सम्मानका साथ स्वीकार गर्दै उनलाई विशेष कदरपत्र प्रदान गरेको छ। मन्थली नगरपालिका २ का अध्यक्ष सुरेन्द्र कार्की, विद्यालय व्यवस्थापन समितिका अध्यक्ष शंकरप्रसाद अधिकारी र प्रधानाध्यापक कुशप्रसाद दाहालले चौलागाईंको शैक्षिक सुधारमा अमूल्य योगदान रहेको उल्लेख गरेका छन्।
शिक्षा–मैत्री समाज निर्माणतर्फको पाइला
शिक्षा भन्नु केवल पुस्तक पढ्नु होइन, त्यो वातावरण हो — जहाँ विद्यार्थीको आत्मविश्वास फस्टाउँछ। त्यो आत्मविश्वासका लागि कहिलेकाहीं न्यानो ट्याकसुट पनि निकै ठूलो प्रेरणा बन्न सक्छ। भरतप्रसाद चौलागाईंले सुरु गरेको यो अभियानले समाजमा शिक्षा–मैत्री वातावरण निर्माणतर्फ थप आशा पलाएको छ। उहाँकाे अभियानले प्रमाणित गर्यो — परिवर्तन भाषणले होइन, कृयाले बन्छ। र साँच्चै नै — समाज परिवर्तन गर्ने आकांक्षीहरूले अब पुस्तकसँगै एउटा ट्याकसुट पनि साथमा राख्ने समय आएको छ।
