काठमाडौँ: राष्ट्रपति रामचन्द्र पौडेलले आन्दोलनरत जेनजी समूहलाई आन्दोलन परित्याग गरी वार्ता र संवादको बाटो अपनाउन अपिल गरेका छन् ।
मंगलबार एक विज्ञप्ति जारी गर्दै राष्ट्रपतिको कार्यालयले जनाएका अनुसार लोकतान्त्रिक व्यवस्थामा उठाइएका मागहरू वार्ता र सहमतिको माध्यमबाट समाधान गर्न सकिने हुँदा सबै पक्ष संयमित रहनु आवश्यक भएको बताइएको छ।
राष्ट्रपति पौडेलले जेनजीहरूको माग अनुसार प्रधानमन्त्री केपी शर्मा ओलीले दिएको राजीनामा आफूले स्वीकृत गरिसकेको उल्लेख गर्दै, अब वार्ता र संवादको माध्यमबाट समाधान खोज्न सकिने स्पष्ट पारे।
उनले मुलुकमा थप अस्थिरता र क्षति हुन नदिनका लागि सबै पक्षले संयम र सहनशीलता अपनाउनु पर्ने आवश्यकता औंल्याउँदै, सहमतिको आधारमा समस्याको समाधान गर्न सकिने बताए।
