सोलुखुम्बु: सगरमाथा आधार शिविर नजिक लोबेचेमा अल्टिच्युड एयरको हेलिकप्टर दुर्घटना भएको छ ।
लुक्लाबाट बिहान विदेशी पर्यटक लिन गएको अल्टिच्युड एयरको अल्फा माइक सेरा कलसाइन भएको हेलिकप्टर लोबुचे हेलिप्याडमा अवतरण गर्ने क्रममा हिउँमा चिप्लिएर दुर्घटनाग्रस्त भएको हो ।
हेलिकप्टरका पाइलट विवेक खड्का सकुशल रहेको जिल्ला प्रहरी प्रमुख डिएसपी मनोजित कुँवरले जानकारी दिनुभयो । दुर्घटनामा कुनै मानवीय क्षति नभएको समेत पुष्टि भएको छ ।
प्रमुख जिल्ला अधिकारी लिलाकुमारी केसी पाण्डेका अनुसार बिहान करिब ८ः१५ बजे हेलिकप्टर दुर्घटनाको घटना पुष्टि भएको हो ।
पाइलट खड्कालाई कैलास एयरको हेलिमार्फत लुक्ला ल्याइएको डिएसपी कुँवरले बताए।
